שיעור 50, ספר דברי הימים א, פרק יא, י-יד

י וְאֵ֨לֶּה רָאשֵׁ֤י הַגִּבֹּרִים֙ אֲשֶׁ֣ר לְדָוִ֔יד הַמִּתְחַזְּקִ֨ים עִמּ֧וֹ בְמַלְכוּת֛וֹ עִם־כָּל־יִשְׂרָאֵ֖ל לְהַמְלִיכ֑וֹ כִּדְבַ֥ר יְהוָ֖ה עַל־יִשְׂרָאֵֽל׃ יא וְאֵ֛לֶּה מִסְפַּ֥ר הַגִּבֹּרִ֖ים אֲשֶׁ֣ר לְדָוִ֑יד יָֽשָׁבְעָ֣ם בֶּן־חַכְמוֹנִ֗י רֹ֚אשׁ הַשָּׁ֣לִישִׁ֔ים הֽוּא־עוֹרֵ֧ר אֶת־חֲנִית֛וֹ עַל־שְׁלֹשׁ־מֵא֥וֹת חָלָ֖ל בְּפַ֥עַם אֶחָֽת׃ יב וְאַֽחֲרָ֛יו אֶלְעָזָ֥ר בֶּן־דּוֹד֖וֹ הָֽאֲחוֹחִ֑י ה֖וּא בִּשְׁלוֹשָׁ֥ה הַגִּבֹּרִֽים׃ יג הֽוּא־הָיָ֨ה עִם־דָּוִ֜יד בַּפַּ֣ס דַּמִּ֗ים וְהַפְּלִשְׁתִּים֙ נֶֽאֶסְפוּ־שָׁ֣ם לַמִּלְחָמָ֔ה וַתְּהִ֛י חֶלְקַ֥ת הַשָּׂדֶ֖ה מְלֵאָ֣ה שְׂעוֹרִ֑ים וְהָעָ֥ם נָ֖סוּ מִפְּנֵ֥י פְלִשְׁתִּֽים׃ יד וַיִּֽתְיַצְּב֤וּ בְתוֹךְ־הַחֶלְקָה֙ וַיַּצִּיל֔וּהָ וַיַּכּ֖וּ אֶת־פְּלִשְׁתִּ֑ים וַיּ֥וֹשַׁע יְהוָ֖ה תְּשׁוּעָ֥ה גְדוֹלָֽה׃

֍              ֍            ֍

(י) וְאֵלֶּה רָאשֵׁי הַגִּבֹּרִים אֲשֶׁר לְדָוִיד, הַמִּתְחַזְּקִים עִמּוֹ בְמַלְכוּתוֹ עִם כָּל יִשְׂרָאֵל, לְהַמְלִיכוֹ כִּדְבַר יְהֹוָה עַל יִשְׂרָאֵל [וכאן נוספו שמות גיבורים נוספים שלא הוזכרו בספר שמואל ב' (פרק כג), כיון ששם נכתבו רק המפורסמים ביותר, שהיו איתו תמיד, וכאן נכתבו כל הגיבורים שהיו לדוד, מתחילת מלכותו].

(יא) וְאֵלֶּה מִסְפַּר הַגִּבֹּרִים אֲשֶׁר לְדָוִיד, יָשָׁבְעָם בֶּן חַכְמוֹנִי, ונקרא כך על שם חכמתו, שהיה יושב בישיבה ללמד חכמה לעם, רֹאשׁ הַשָּׁלִישִׁים [-הראשון מבין שלשת הגיבורים הראשונים], הוּא עוֹרֵר אֶת חֲנִיתוֹ – נענע את חניתו הכבידה בקלות, עַל [-לאחר שהרג] שְׁלֹשׁ מֵאוֹת חָלָל בְּפַעַם אֶחָת.

(יב) וְאַחֲרָיו אֶלְעָזָר בֶּן דּוֹדוֹ הָאֲחוֹחִי, הוּא בִּשְׁלוֹשָׁה הַגִּבֹּרִים – בין שלשת הגיבורים הראשונים.

(יג) הוּא הָיָה עִם דָּוִיד במלחמתו בַּפַּס דַּמִּים [-שם מקום], וְהַפְּלִשְׁתִּים נֶאֶסְפוּ שָׁם לַמִּלְחָמָה, וַתְּהִי חֶלְקַת הַשָּׂדֶה מְלֵאָה שְׂעוֹרִים, וְהָעָם נָסוּ מִפְּנֵי פְלִשְׁתִּים.

(יד) וַיִּתְיַצְּבוּ אלעזר וחייליו בְתוֹךְ הַחֶלְקָה, וַיַּצִּילוּהָ, וַיַּכּוּ אֶת פְּלִשְׁתִּים, וַיּוֹשַׁע יְהֹוָה על ידם תְּשׁוּעָה גְדוֹלָה.