ז וַיְהִ֤י גְבוּל־מְנַשֶּׁה֙ מֵֽאָשֵׁ֔ר הַֽמִּכְמְתָ֔ת אֲשֶׁ֖ר עַל־פְּנֵ֣י שְׁכֶ֑ם וְהָלַ֤ךְ הַגְּבוּל֙ אֶל־הַיָּמִ֔ין אֶל־יֹֽשְׁבֵ֖י עֵ֥ין תַּפּֽוּחַ׃ ח לִמְנַשֶּׁ֕ה הָֽיְתָ֖ה אֶ֣רֶץ תַּפּ֑וּחַ וְתַפּ֛וּחַ אֶל־גְּב֥וּל מְנַשֶּׁ֖ה לִבְנֵ֥י אֶפְרָֽיִם׃ ט וְיָרַ֣ד הַגְּבוּל֩ נַ֨חַל קָנָ֜ה נֶ֣גְבָּה לַנַּ֗חַל עָרִ֤ים הָאֵ֨לֶּה֙ לְאֶפְרַ֔יִם בְּת֖וֹךְ עָרֵ֣י מְנַשֶּׁ֑ה וּגְב֤וּל מְנַשֶּׁה֙ מִצְּפ֣וֹן לַנַּ֔חַל וַיְהִ֥י תֹֽצְאֹתָ֖יו הַיָּֽמָּה׃ י נֶ֣גְבָּה לְאֶפְרַ֗יִם וְצָפ֨וֹנָה֙ לִמְנַשֶּׁ֔ה וַיְהִ֥י הַיָּ֖ם גְּבוּל֑וֹ וּבְאָשֵׁר֙ יִפְגְּע֣וּן מִצָּפ֔וֹן וּבְיִשָּׂשכָ֖ר מִמִּזְרָֽח׃ יא וַיְהִ֨י לִמְנַשֶּׁ֜ה בְּיִשָּׂשכָ֣ר וּבְאָשֵׁ֗ר בֵּית־שְׁאָ֣ן וּ֠בְנוֹתֶיהָ וְיִבְלְעָ֨ם וּבְנוֹתֶ֜יהָ וְֽאֶת־יֹשְׁבֵ֧י דֹ֣אר וּבְנוֹתֶ֗יהָ וְיֹֽשְׁבֵ֤י עֵֽין־דֹּר֙ וּבְנוֹתֶ֔יהָ וְיֹֽשְׁבֵ֤י תַעְנַךְ֙ וּבְנֹתֶ֔יהָ וְיֹֽשְׁבֵ֥י מְגִדּ֖וֹ וּבְנוֹתֶ֑יהָ שְׁלֹ֖שֶׁת הַנָּֽפֶת׃ יב וְלֹ֤א יָֽכְלוּ֙ בְּנֵ֣י מְנַשֶּׁ֔ה לְהוֹרִ֖ישׁ אֶת־הֶֽעָרִ֣ים הָאֵ֑לֶּה וַיּ֨וֹאֶל֙ הַֽכְּנַעֲנִ֔י לָשֶׁ֖בֶת בָּאָ֥רֶץ הַזֹּֽאת׃ יג וַיְהִ֗י כִּ֤י חָֽזְקוּ֙ בְּנֵ֣י יִשְׂרָאֵ֔ל וַיִּתְּנ֥וּ אֶת־הַֽכְּנַעֲנִ֖י לָמַ֑ס וְהוֹרֵ֖שׁ לֹ֥א הֽוֹרִישֽׁוֹ׃
֍ ֍ ֍
(ז) וַיְהִי גְבוּל מְנַשֶּׁה, מֵאָשֵׁר – מגבול נחלת אשר, שהיה בצפונו של מנשה, אל הַמִּכְמְתָת [-שם עיר] אֲשֶׁר עַל פְּנֵי שְׁכֶם, וְהָלַךְ הַגְּבוּל אֶל הַיָּמִין – לצד דרום, אֶל יֹשְׁבֵי עֵין תַּפּוּחַ:
(ח) לִמְנַשֶּׁה הָיְתָה אֶרֶץ תַּפּוּחַ, והיא המדינה כולה, שהיתה בצד צפון של נחלתם, וְתַפּוּחַ – העיר תפוח בעצמה, שהיתה דרומית יותר, היתה אֶל גְּבוּל מְנַשֶּׁה – בגבול שבט מנשה, אך היתה שייכת לִבְנֵי אֶפְרָיִם:
(ט) וְיָרַד הַגְּבוּל אשר בין מנשה לאפרים בצד דרום נַחַל קָנָה, נֶגְבָּה לַנַּחַל – מדרום לנחל, עָרִים הָאֵלֶּה שהיו באותו מקום היו שייכים לְאֶפְרַיִם, בְּתוֹךְ עָרֵי מְנַשֶּׁה, וכפי שהוזכר לעיל, וּגְבוּל מְנַשֶּׁה מִצְּפוֹן לַנַּחַל, וַיְהִי תֹצְאֹתָיו הַיָּמָּה – סיום גבול מנשה היה בים הגדול.
(י) ועד הים הגדול היה הגבול מחולק בין מנשה לאפרים, כי נֶגְבָּה – מדרום לקו הגבול היה המקום שייך לְאֶפְרַיִם, וְצָפוֹנָה לִמְנַשֶּׁה, וַיְהִי הַיָּם גְּבוּלוֹ – וגבול שניהם הסתיים במערב בים הגדול, וּבְאָשֵׁר יִפְגְּעוּן בגבולם מִצָּפוֹן, וּבְיִשָּׂשכָר מִמִּזְרָח׃
(יא) ועוד היו למנשה ערים מובלעות בחלק יששכר ובחלק אשר, וַיְהִי לִמְנַשֶּׁה ערים בְּיִשָּׂשכָר וּבְאָשֵׁר, בֵּית שְׁאָן וּבְנוֹתֶיהָ, וְיִבְלְעָם וּבְנוֹתֶיהָ, וְאֶת יֹשְׁבֵי דֹאר וּבְנוֹתֶיהָ, וְיֹשְׁבֵי עֵין דֹּר וּבְנוֹתֶיהָ, וְיֹשְׁבֵי תַעְנַךְ וּבְנֹתֶיהָ, וְיֹשְׁבֵי מְגִדּוֹ וּבְנוֹתֶיהָ, שְׁלֹשֶׁת הַנָּפֶת – שלש מחוזות שהיו מחוברות יחד כמחוז אחד, והיו מכונות 'שלשת הנפת'.
(יב) וְלֹא יָכְלוּ בְּנֵי מְנַשֶּׁה לְהוֹרִישׁ אֶת הֶעָרִים הָאֵלֶּה, וַיּוֹאֶל [-ורצו] הַכְּנַעֲנִי לָשֶׁבֶת בָּאָרֶץ הַזֹּאת׃
(יג) וַיְהִי כִּי חָזְקוּ בְּנֵי יִשְׂרָאֵל, וַיִּתְּנוּ אֶת הַכְּנַעֲנִי לָמַס, וְהוֹרֵשׁ לֹא הוֹרִישׁוֹ – אבל לא גירשוהו משם.
