שיעור 47, ספר דברי הימים א, פרק ט, לג-מד

לג וְאֵ֣לֶּה הַ֠מְשֹֽׁרְרִים רָאשֵׁ֨י אָב֧וֹת לַלְוִיִּ֛ם בַּלְּשָׁכֹ֖ת פְּטוּרִ֑ים כִּֽי־יוֹמָ֥ם וָלַ֛יְלָה עֲלֵיהֶ֖ם בַּמְּלָאכָֽה׃ לד אֵלֶּה֩ רָאשֵׁ֨י הָֽאָב֧וֹת לַלְוִיִּ֛ם לְתֹֽלְדוֹתָ֖ם רָאשִׁ֑ים אֵ֖לֶּה יָֽשְׁב֥וּ בִירֽוּשָׁלִָֽם׃ לה וּבְגִבְע֛וֹן יָֽשְׁב֥וּ אֲבִֽי־גִבְע֖וֹן יְעִיאֵ֑ל וְשֵׁ֥ם אִשְׁתּ֖וֹ מַֽעֲכָֽה׃ לו וּבְנ֥וֹ הַבְּכ֖וֹר עַבְדּ֑וֹן וְצ֣וּר וְקִ֔ישׁ וּבַ֥עַל וְנֵ֖ר וְנָדָֽב׃ לז וּגְד֣וֹר וְאַחְי֔וֹ וּזְכַרְיָ֖ה וּמִקְלֽוֹת׃ לח וּמִקְל֖וֹת הוֹלִ֣יד אֶת־שִׁמְאָ֑ם וְאַף־הֵ֗ם נֶ֧גֶד אֲחֵיהֶ֛ם יָֽשְׁב֥וּ בִירֽוּשָׁלִַ֖ם עִם־אֲחֵיהֶֽם׃ לט וְנֵר֙ הוֹלִ֣יד אֶת־קִ֔ישׁ וְקִ֖ישׁ הוֹלִ֣יד אֶת־שָׁא֑וּל וְשָׁא֗וּל הוֹלִ֤יד אֶת־יְהֽוֹנָתָן֙ וְאֶת־מַלְכִּישׁ֔וּעַ וְאֶת־אֲבִֽינָדָ֖ב וְאֶת־אֶשְׁבָּֽעַל׃ מ וּבֶן־יְהֽוֹנָתָ֖ן מְרִ֣יב בָּ֑עַל וּמְרִי־בַ֖עַל הוֹלִ֥יד אֶת־מִיכָֽה׃ מא וּבְנֵ֖י מִיכָ֑ה פִּיתֹ֥ן וָמֶ֖לֶךְ וְתַחְרֵֽעַ׃ מב וְאָחָז֙ הוֹלִ֣יד אֶת־יַעְרָ֔ה וְיַעְרָ֗ה הוֹלִ֛יד אֶת־עָלֶ֥מֶת וְאֶת־עַזְמָ֖וֶת וְאֶת־זִמְרִ֑י וְזִמְרִ֖י הוֹלִ֥יד אֶת־מוֹצָֽא׃ מג וּמוֹצָ֖א הוֹלִ֣יד אֶת־בִּנְעָ֑א וּרְפָיָ֥ה בְנ֛וֹ אֶלְעָשָׂ֥ה בְנ֖וֹ אָצֵ֥ל בְּנֽוֹ׃ מד וּלְאָצֵל֮ שִׁשָּׁ֣ה בָנִים֒ וְאֵ֣לֶּה שְׁמוֹתָ֗ם עַזְרִיקָ֥ם ׀ בֹּ֨כְרוּ֙ וְיִשְׁמָעֵ֣אל וּשְׁעַרְיָ֔ה וְעֹֽבַדְיָ֖ה וְחָנָ֑ן אֵ֖לֶּה בְּנֵ֥י אָצַֽל׃

֍              ֍            ֍

(לג) וְאֵלֶּה הַמְשֹׁרְרִים, רָאשֵׁי אָבוֹת לַלְוִיִּם בַּלְּשָׁכֹת פְּטוּרִים מעשיית כל מלאכה אחרת, כִּי יוֹמָם וָלַיְלָה עֲלֵיהֶם בַּמְּלָאכָה, שהיו צריכים ללמד את חכמת השיר ללויים.

(לד) אֵלֶּה רָאשֵׁי הָאָבוֹת לַלְוִיִּם, לְתֹלְדוֹתָם, רָאשִׁים אֵלֶּה יָשְׁבוּ בִירוּשָׁלִָם.

(לה) [מכאן והלאה חוזר על השמות שהוזכרו לעיל, פרק ח] וּבְגִבְעוֹן יָשְׁבוּ אֲבִי גִבְעוֹן, יְעִיאֵל, וְשֵׁם אִשְׁתּוֹ מַעֲכָה.

(לו) וּבְנוֹ הַבְּכוֹר עַבְדּוֹן, וְצוּר, וְקִישׁ, וּבַעַל, וְנֵר, וְנָדָב.

(לז) וּגְדוֹר, וְאַחְיוֹ, וּזְכַרְיָה, וּמִקְלוֹת.

(לח) וּמִקְלוֹת הוֹלִיד אֶת שִׁמְאָם, וְאַף הֵם נֶגֶד רצון אֲחֵיהֶם שבגבעון יָשְׁבוּ בִירוּשָׁלִַם עִם אֲחֵיהֶם.

(לט) וְנֵר הוֹלִיד אֶת קִישׁ, וְקִישׁ הוֹלִיד אֶת שָׁאוּל המלך, וְשָׁאוּל הוֹלִיד אֶת יְהוֹנָתָן, וְאֶת מַלְכִּישׁוּעַ, וְאֶת אֲבִינָדָב, וְאֶת אֶשְׁבָּעַל.

(מ) וּבֶן יְהוֹנָתָן מְרִיב בָּעַל, וּמְרִי בַעַל הוֹלִיד אֶת מִיכָה.

(מא) וּבְנֵי מִיכָה, פִּיתֹן, וָמֶלֶךְ, וְתַחְרֵעַ.

(מב) וְאָחָז הוֹלִיד אֶת יַעְרָה, וְיַעְרָה הוֹלִיד אֶת עָלֶמֶת, וְאֶת עַזְמָוֶת, וְאֶת זִמְרִי. וְזִמְרִי הוֹלִיד אֶת מוֹצָא.

(מג) וּמוֹצָא הוֹלִיד אֶת בִּנְעָא, וּרְפָיָה בְנוֹ, אֶלְעָשָׂה בְנוֹ, אָצֵל בְּנוֹ.

(מד) וּלְאָצֵל שִׁשָּׁה בָנִים, וְאֵלֶּה שְׁמוֹתָם, עַזְרִיקָם, בֹּכְרוּ, וְיִשְׁמָעֵאל, וּשְׁעַרְיָה, וְעֹבַדְיָה, וְחָנָן, אֵלֶּה בְּנֵי אָצַל.