יום שבת
י"א כסלו התשפ"ז

חיפוש בארכיון

שיעור 136, ספר ירמיהו, פרק כג, א-ח

א ה֣וֹי רֹעִ֗ים מְאַבְּדִ֧ים וּמְפִצִ֛ים אֶת־צֹ֥אן מַרְעִיתִ֖י נְאֻם־יְהוָֽה׃ ב לָ֠כֵן כֹּֽה־אָמַ֨ר יְהוָ֜ה אֱלֹהֵ֣י יִשְׂרָאֵ֗ל עַֽל־הָרֹעִים֮ הָֽרֹעִ֣ים אֶת־עַמִּי֒ אַתֶּ֞ם הֲפִֽצֹתֶ֤ם אֶת־צֹאנִי֙ וַתַּדִּח֔וּם וְלֹ֥א פְקַדְתֶּ֖ם אֹתָ֑ם הִנְנִ֨י פֹקֵ֧ד עֲלֵיכֶ֛ם אֶת־רֹ֥עַ מַֽעַלְלֵיכֶ֖ם נְאֻם־יְהוָֽה׃ ג וַֽאֲנִ֗י אֲקַבֵּץ֙ אֶת־שְׁאֵרִ֣ית צֹאנִ֔י מִכֹּל֙ הָֽאֲרָצ֔וֹת אֲשֶׁר־הִדַּ֥חְתִּי אֹתָ֖ם שָׁ֑ם וַהֲשִֽׁבֹתִ֥י אֶתְהֶ֛ן עַל־נְוֵהֶ֖ן וּפָר֥וּ וְרָבֽוּ׃ ד וַהֲקִֽמֹתִ֧י עֲלֵיהֶ֛ם רֹעִ֖ים וְרָע֑וּם וְלֹא־יִֽירְא֨וּ ע֧וֹד וְלֹֽא־יֵחַ֛תּוּ וְלֹ֥א יִפָּקֵ֖דוּ נְאֻם־יְהוָֽה׃ ה הִנֵּ֨ה יָמִ֤ים בָּאִים֙ נְאֻם־יְהוָ֔ה וַהֲקִֽמֹתִ֥י לְדָוִ֖ד צֶ֣מַח צַדִּ֑יק וּמָ֤לַךְ מֶ֨לֶךְ֙ וְהִשְׂכִּ֔יל וְעָשָׂ֛ה מִשְׁפָּ֥ט וּצְדָקָ֖ה בָּאָֽרֶץ׃ ו בְּיָמָיו֙ תִּוָּשַׁ֣ע יְהוּדָ֔ה וְיִשְׂרָאֵ֖ל יִשְׁכֹּ֣ן לָבֶ֑טַח וְזֶה־שְּׁמ֥וֹ אֲֽשֶׁר־יִקְרְא֖וֹ יְהוָ֥ה ׀ צִדְקֵֽנוּ׃ ז לָכֵ֛ן הִנֵּֽה־יָמִ֥ים בָּאִ֖ים נְאֻם־יְהוָ֑ה וְלֹא־יֹ֤אמְרוּ עוֹד֙ חַי־יְהוָ֔ה אֲשֶׁ֧ר הֶֽעֱלָ֛ה אֶת־בְּנֵ֥י יִשְׂרָאֵ֖ל מֵאֶ֥רֶץ מִצְרָֽיִם׃ ח כִּ֣י אִם־חַי־יְהוָ֗ה אֲשֶׁ֣ר הֶֽעֱלָה֩ וַֽאֲשֶׁ֨ר הֵבִ֜יא אֶת־זֶ֨רַע בֵּ֤ית יִשְׂרָאֵל֙ מֵאֶ֣רֶץ צָפ֔וֹנָה וּמִכֹּל֙ הָֽאֲרָצ֔וֹת אֲשֶׁ֥ר הִדַּחְתִּ֖ים שָׁ֑ם וְיָֽשְׁב֖וּ עַל־אַדְמָתָֽם׃

֍֍֍

פרק כג

(א) הוֹי רֹעִים, המנהיגים את ישראל, המְאַבְּדִים במלחמה וּמְפִצִים בגלות אֶת צֹאן מַרְעִיתִי, נְאֻם ה'.

(ב) לָכֵן, כֹּה אָמַר ה' אֱלֹהֵי יִשְׂרָאֵל, עַל הָרֹעִים הָרֹעִים אֶת עַמִּי, אַתֶּם הֲפִצֹתֶם אֶת צֹאנִי, שמחמתכם נפוצו איש מאחיו, וַתַּדִּחוּם ממקומם ללכת בגלות, וְלֹא פְקַדְתֶּם אֹתָם שלא יחסרו, הִנְנִי פֹקֵד עֲלֵיכֶם אֶת רֹעַ מַעַלְלֵיכֶם, להענישכם על כך, נְאֻם ה'.

(ג) ובהיפך ממה שאתם גרמתם להפצת ישראל, וַאֲנִי אֲקַבֵּץ אֶת שְׁאֵרִית צֹאנִי מִכֹּל הָאֲרָצוֹת אֲשֶׁר הִדַּחְתִּי אֹתָם שָׁם. ובהיפך ממה שאתם הדחתם אותם ללכת בגלות, וַהֲשִׁבֹתִי אֶתְהֶן עַל נְוֵהֶן, ובהיפך ממה שאתם לא פקדתם אותם שלא יחסרו, וּפָרוּ וְרָבוּ.

(ד) וַהֲקִמֹתִי עֲלֵיהֶם רֹעִים בבית המקדש השני, שלא היו מלכים אלא רק רועים, וְרָעוּם, וְלֹא יִירְאוּ עוֹד, וְלֹא יֵחַתּוּ, וְלֹא יִפָּקֵדוּ, נְאֻם ה'.

(ה) ואחר שהתנבא על העתיד להיות בזמן בית המקדש השני, שיחזור העם למקומו והרועים להנהיגם, ממשיך ומתנבא על העתיד לבוא בזמן הגאולה השלימה, הִנֵּה יָמִים בָּאִים נְאֻם ה', וַהֲקִמֹתִי לְדָוִד צֶמַח (-שיצמח משורשיו) צַדִּיק, וּמָלַךְ מֶלֶךְ – לא יהיה רק רועה, אלא מלך גדול, וְהִשְׂכִּיל, וְעָשָׂה מִשְׁפָּט וּצְדָקָה בָּאָרֶץ.

(ו) בְּיָמָיו של מלך המשיח תִּוָּשַׁע יְהוּדָה, כי בזמן בית שני לא היתה ישועתם שלימה, שהרי היו עדיין תחת מלכי הגויים, וְיִשְׂרָאֵל, שהם עשרת השבטים, יִשְׁכֹּן לָבֶטַח, בשונה מזמן בית שני שלא חזרו עשרת השבטים לארץ ישראל, וְזֶה שְּׁמוֹ של ישראל אֲשֶׁר יִקְרְאוֹ באותם זמנים, ה' צִדְקֵנוּ, כלומר, שצדקינו יהיה מה', וכמו שה' קיים כך יהיה ישראל עם צדיק ונושע בה'.

(ז) לָכֵן, הִנֵּה יָמִים בָּאִים נְאֻם ה', כיון שניסי הגאולה האחרונה יהיו גדולים יותר מניסי יציאת מצרים, וְלֹא יֹאמְרוּ עוֹד חַי ה' אֲשֶׁר הֶעֱלָה אֶת בְּנֵי יִשְׂרָאֵל מֵאֶרֶץ מִצְרָיִם.

(ח) כִּי אִם חַי ה' אֲשֶׁר הֶעֱלָה וַאֲשֶׁר הֵבִיא אֶת זֶרַע בֵּית יִשְׂרָאֵל מֵאֶרֶץ צָפוֹנָה – בבל, וּמִכֹּל הָאֲרָצוֹת אֲשֶׁר הִדַּחְתִּים שָׁם, וְיָשְׁבוּ עַל אַדְמָתָם.

 

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)

האם "זמני היום" באתר יועילו לך?