יום שבת
י"א כסלו התשפ"ז

חיפוש בארכיון

שיעור 138, ספר ירמיהו, פרק כג, יג-טז

יג וּבִנְבִיאֵ֥י שֹֽׁמְר֖וֹן רָאִ֣יתִי תִפְלָ֑ה הִנַּבְּא֣וּ בַבַּ֔עַל וַיַּתְע֥וּ אֶת־עַמִּ֖י אֶת־יִשְׂרָאֵֽל׃ יד וּבִנְבִאֵ֨י יְרֽוּשָׁלִַ֜ם רָאִ֣יתִי שַֽׁעֲרוּרָ֗ה נָא֞וֹף וְהָלֹ֤ךְ בַּשֶּׁ֨קֶר֙ וְחִזְּקוּ֙ יְדֵ֣י מְרֵעִ֔ים לְבִ֨לְתִּי־שָׁ֔בוּ אִ֖ישׁ מֵרָֽעָת֑וֹ הָֽיוּ־לִ֤י כֻלָּם֙ כִּסְדֹ֔ם וְיֹֽשְׁבֶ֖יהָ כַּֽעֲמֹרָֽה׃ טו לָכֵ֞ן כֹּֽה־אָמַ֨ר יְהוָ֤ה צְבָאוֹת֙ עַל־הַנְּבִאִ֔ים הִנְנִ֨י מַֽאֲכִ֤יל אוֹתָם֙ לַֽעֲנָ֔ה וְהִשְׁקִתִ֖ים מֵי־רֹ֑אשׁ כִּ֗י מֵאֵת֙ נְבִיאֵ֣י יְרֽוּשָׁלִַ֔ם יָֽצְאָ֥ה חֲנֻפָּ֖ה לְכָל־הָאָֽרֶץ׃ טז כֹּֽה־אָמַ֞ר יְהוָ֣ה צְבָא֗וֹת אַֽל־תִּשְׁמְע֞וּ עַל־דִּבְרֵ֤י הַנְּבִאִים֙ הַנִּבְּאִ֣ים לָכֶ֔ם מַהְבִּלִ֥ים הֵ֖מָּה אֶתְכֶ֑ם חֲז֤וֹן לִבָּם֙ יְדַבֵּ֔רוּ לֹ֖א מִפִּ֥י יְהוָֽה׃

֍֍֍

(יג) וּבִנְבִיאֵי שֹׁמְרוֹן, בירת ממלכת ישראל ועשרת השבטים, רָאִיתִי תִפְלָה – חוסר טעם ודעת, שמחמת כן הִנַּבְּאוּ בַבַּעַל, כי טעו לחשוב שיש בו ממש, והאמינו לנבואות השקר של עצמם, ומחמת כן אמרו זאת לכל ישראל, וַיַּתְעוּ אֶת עַמִּי אֶת יִשְׂרָאֵל, אך לא היה חטאם בזדון ובמרמה.

(יד) וּבִנְבִאֵי יְרוּשָׁלִַם, בירת ממלכת יהודה, רָאִיתִי שַׁעֲרוּרָה – דבר מגונה מאד, כי הם לא תעו כלל בעבודה זרה, אלא נָאוֹף – כדי למלא תאוות ליבם, וְהָלֹךְ בַּשֶּׁקֶר – הלכו בדרכי השקר, הגם שידעו בעצמם שהדבר שקר, ולא התעו את העם בנבואות שקר אלא וְחִזְּקוּ יְדֵי מְרֵעִים, לְבִלְתִּי שָׁבוּ אִישׁ מֵרָעָתוֹ, עד שהנביאים והעם לא היו טועים בדבריהם, אלא בודים מליבם שקרים כדי למלא את תאוותיהם, ובזה הָיוּ לִי כֻלָּם כִּסְדֹם, וְיֹשְׁבֶיהָ כַּעֲמֹרָה, שגם להם היו חוקים רעים למלא תאוותם.

(טו) לָכֵן כֹּה אָמַר ה' צְבָאוֹת עַל הַנְּבִאִים, הִנְנִי מַאֲכִיל אוֹתָם לַעֲנָה – עשב מר, וְהִשְׁקִתִים מֵי רֹאשׁ – מים הנסחטים מעשב מר הנקרא 'ראש', כִּי מֵאֵת נְבִיאֵי יְרוּשָׁלִַם יָצְאָה חֲנֻפָּה לְכָל הָאָרֶץ, שהורגלו לומר בפיהם מה שאינם חושבים באמת בליבם.

(טז) ופונה עתה אל העם ומזהיר אותם, כֹּה אָמַר ה' צְבָאוֹת, אַל תִּשְׁמְעוּ עַל דִּבְרֵי הַנְּבִאִים הַנִּבְּאִים לָכֶם בשקר, כי מַהְבִּלִים הֵמָּה אֶתְכֶם – אומרים לכם דברי הבל, שאין בהם ממש, ומה שהם אומרים בשם ה' הוא שקר, כי חֲזוֹן לִבָּם יְדַבֵּרוּ, לֹא מִפִּי ה', נמצא שיש שני חסרונות בדבריהם, גם שמתנבאים בשקר, וגם שאומרים דברי הבל, שאין בהם תועלת.

 

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)

האם "זמני היום" באתר יועילו לך?