שיעור 230, ספר ירמיהו, פרק מב, ז-יא
ז וַיְהִ֕י מִקֵּ֖ץ עֲשֶׂ֣רֶת יָמִ֑ים וַיְהִ֥י דְבַר־יְהוָ֖ה אֶֽל־יִרְמְיָֽהוּ׃ ח וַיִּקְרָ֗א אֶל־יֽוֹחָנָן֙ בֶּן־קָרֵ֔חַ וְאֶ֛ל כָּל־שָׂרֵ֥י הַֽחֲיָלִ֖ים אֲשֶׁ֣ר אִתּ֑וֹ וּ֨לְכָל־הָעָ֔ם לְמִקָּטֹ֖ן וְעַד־גָּדֽוֹל׃ ט וַיֹּ֣אמֶר אֲלֵיהֶ֔ם כֹּֽה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל אֲשֶׁ֨ר שְׁלַחְתֶּ֤ם אֹתִי֙ אֵלָ֔יו לְהַפִּ֥יל תְּחִנַּתְכֶ֖ם לְפָנָֽיו׃ י אִם־שׁ֤וֹב תֵּֽשְׁבוּ֙ בָּאָ֣רֶץ הַזֹּ֔את וּבָנִ֤יתִי אֶתְכֶם֙ וְלֹ֣א אֶֽהֱרֹ֔ס וְנָֽטַעְתִּ֥י אֶתְכֶ֖ם וְלֹ֣א אֶתּ֑וֹשׁ כִּ֤י נִחַ֨מְתִּי֙ אֶל־הָ֣רָעָ֔ה אֲשֶׁ֥ר עָשִׂ֖יתִי לָכֶֽם׃ יא אַל־תִּֽירְא֗וּ מִפְּנֵי֙ מֶ֣לֶךְ בָּבֶ֔ל אֲשֶׁר־אַתֶּ֥ם יְרֵאִ֖ים מִפָּנָ֑יו אַל־תִּֽירְא֤וּ מִמֶּ֨נּוּ֙ נְאֻם־יְהוָ֔ה כִּֽי־אִתְּכֶ֣ם אָ֔נִי לְהוֹשִׁ֧יעַ אֶתְכֶ֛ם וּלְהַצִּ֥יל אֶתְכֶ֖ם מִיָּדֽוֹ׃ יב וְאֶתֵּ֥ן לָכֶ֛ם רַֽחֲמִ֖ים וְרִחַ֣ם אֶתְכֶ֑ם וְהֵשִׁ֥יב אֶתְכֶ֖ם אֶל־אַדְמַתְכֶֽם׃
֍֍ ֍
(ז) וַיְהִי מִקֵּץ עֲשֶׂרֶת יָמִים, לאחר שהתפלל ירמיהו לה' עבור ישראל, וַיְהִי דְבַר ה' אֶל יִרְמְיָהוּ.
(ח) וַיִּקְרָא ירמיהו אֶל יוֹחָנָן בֶּן קָרֵחַ, וְאֶל כָּל שָׂרֵי הַחֲיָלִים אֲשֶׁר אִתּוֹ, וּלְכָל הָעָם לְמִקָּטֹן וְעַד גָּדוֹל.
(ט) וַיֹּאמֶר אֲלֵיהֶם, כֹּה אָמַר ה' אֱלֹהֵי יִשְׂרָאֵל, לגבי מה ששאלתם באיזו דרך לרדת למצרים, אין ה' מסכים כלל לכך שיצאו מארץ ישראל, ומה שהשיב להם ה' הוא מצד אֲשֶׁר שְׁלַחְתֶּם אֹתִי אֵלָיו לְהַפִּיל תְּחִנַּתְכֶם לְפָנָיו, ומחמת כן רחם עליכם לתת לכם שארית בארץ.
(י) אִם שׁוֹב תֵּשְׁבוּ בָּאָרֶץ הַזֹּאת – בארץ ישראל, וּבָנִיתִי אֶתְכֶם במלכות ובהנהגה, וְלֹא אֶהֱרֹס. וְנָטַעְתִּי אֶתְכֶם בריבוי עם, וְלֹא אֶתּוֹשׁ – לא אעקור אתכם ממקומכם, כִּי נִחַמְתִּי אֶל הָרָעָה אֲשֶׁר עָשִׂיתִי לָכֶם, ורצוני שתהיה אחרית ותקוה טובה בארץ.
(יא) אַל תִּירְאוּ מִפְּנֵי מֶלֶךְ בָּבֶל, אֲשֶׁר אַתֶּם יְרֵאִים מִפָּנָיו שינקום בכם על הריגת גדליה, וכן אַל תִּירְאוּ מִמֶּנּוּ שמא יעשה לכם רעות אחרות לאחר זמן, נְאֻם ה'. ולגבי הריגת גדליה אין לכם לחשוש, כִּי אִתְּכֶם אָנִי לְהוֹשִׁיעַ אֶתְכֶם שלא יענישכם על כך, וּלְהַצִּיל אֶתְכֶם מִיָּדוֹ. (יב) וכן לגבי העתיד, וְאֶתֵּן לָכֶם רַחֲמִים בעיניו, וְרִחַם אֶתְכֶם, וְהֵשִׁיב אֶתְכֶם אֶל אַדְמַתְכֶם, שתהיה האדמה שלכם כמקודם.
