שיעור 37. ספר יהושע, פרק טו, יג-סג

יג וּלְכָלֵ֣ב בֶּן־יְפֻנֶּ֗ה נָ֤תַן חֵ֨לֶק֙ בְּת֣וֹךְ בְּנֵֽי־יְהוּדָ֔ה אֶל־פִּ֥י ה֖' לִֽיהוֹשֻׁ֑עַ אֶת־קִרְיַ֥ת אַרְבַּ֛ע אֲבִ֥י הָֽעֲנָ֖ק הִ֥יא חֶבְרֽוֹן׃ יד וַיֹּ֤רֶשׁ מִשָּׁם֙ כָּלֵ֔ב אֶת־שְׁלוֹשָׁ֖ה בְּנֵ֣י הָֽעֲנָ֑ק אֶת־שֵׁשַׁ֤י וְאֶת־אֲחִימַן֙ וְאֶת־תַּלְמַ֔י יְלִידֵ֖י הָֽעֲנָֽק׃ טו וַיַּ֣עַל מִשָּׁ֔ם אֶל־יֹֽשְׁבֵ֖י דְּבִ֑ר וְשֵׁם־דְּבִ֥ר לְפָנִ֖ים קִרְיַת־סֵֽפֶר׃ טז וַיֹּ֣אמֶר כָּלֵ֔ב אֲשֶׁר־יַכֶּ֥ה אֶת־קִרְיַת־סֵ֖פֶר וּלְכָדָ֑הּ וְנָתַ֥תִּי ל֛וֹ אֶת־עַכְסָ֥ה בִתִּ֖י לְאִשָּֽׁה׃ יז וַֽיִּלְכְּדָ֛הּ עָתְנִיאֵ֥ל בֶּן־קְנַ֖ז אֲחִ֣י כָלֵ֑ב וַיִּתֶּן־ל֛וֹ אֶת־עַכְסָ֥ה בִתּ֖וֹ לְאִשָּֽׁה׃ יח וַיְהִ֣י ׀ בְּבוֹאָ֗הּ וַתְּסִיתֵ֨הוּ֙ לִשְׁא֤וֹל מֵֽאֵת־אָבִ֨יהָ֙ שָׂדֶ֔ה וַתִּצְנַ֖ח מֵעַ֣ל הַֽחֲמ֑וֹר וַיֹּֽאמֶר־לָ֥הּ כָּלֵ֖ב מַה־לָּֽךְ׃ יט וַתֹּ֜אמֶר תְּנָה־לִּ֣י בְרָכָ֗ה כִּ֣י אֶ֤רֶץ הַנֶּ֨גֶב֙ נְתַתָּ֔נִי וְנָֽתַתָּ֥ה לִ֖י גֻּלֹּ֣ת מָ֑יִם וַיִּתֶּן־לָ֗הּ אֵ֚ת גֻּלֹּ֣ת עִלִּיּ֔וֹת וְאֵ֖ת גֻּלֹּ֥ת תַּחְתִּיּֽוֹת׃ כ זֹ֗את נַֽחֲלַ֛ת מַטֵּ֥ה בְנֵֽי־יְהוּדָ֖ה לְמִשְׁפְּחֹתָֽם׃ כא וַיִּֽהְי֣וּ הֶֽעָרִ֗ים מִקְצֵה֙ לְמַטֵּ֣ה בְנֵֽי־יְהוּדָ֔ה אֶל־גְּב֥וּל אֱד֖וֹם בַּנֶּ֑גְבָּה קַבְצְאֵ֥ל וְעֵ֖דֶר וְיָגֽוּר׃ כב וְקִינָ֥ה וְדִֽימוֹנָ֖ה וְעַדְעָדָֽה׃ כג וְקֶ֥דֶשׁ וְחָצ֖וֹר וְיִתְנָֽן׃ כד זִ֥יף וָטֶ֖לֶם וּבְעָלֽוֹת׃ כה וְחָצ֤וֹר ׀ חֲדַתָּה֙ וּקְרִיּ֔וֹת חֶצְר֖וֹן הִ֥יא חָצֽוֹר׃ כו אֲמָ֥ם וּשְׁמַ֖ע וּמֽוֹלָדָֽה׃ כז וַֽחֲצַ֥ר גַּדָּ֛ה וְחֶשְׁמ֖וֹן וּבֵ֥ית פָּֽלֶט׃ כח וַֽחֲצַ֥ר שׁוּעָ֛ל וּבְאֵ֥ר שֶׁ֖בַע וּבִזְיֽוֹתְיָֽה׃ כט בַּֽעֲלָ֥ה וְעִיִּ֖ים וָעָֽצֶם׃ ל וְאֶלְתּוֹלַ֥ד וּכְסִ֖יל וְחָרְמָֽה׃ לא וְצִֽקְלַ֥ג וּמַדְמַנָּ֖ה וְסַנְסַנָּֽה׃ לב וּלְבָא֥וֹת וְשִׁלְחִ֖ים וְעַ֣יִן וְרִמּ֑וֹן כָּל־עָרִ֛ים עֶשְׂרִ֥ים וָתֵ֖שַׁע וְחַצְרֵיהֶֽן׃ לג בַּשְּׁפֵלָ֑ה אֶשְׁתָּא֥וֹל וְצָרְעָ֖ה וְאַשְׁנָֽה׃ לד וְזָנ֨וֹחַ֙ וְעֵ֣ין גַּנִּ֔ים תַּפּ֖וּחַ וְהָֽעֵינָֽם׃ לה יַרְמוּת֙ וַֽעֲדֻלָּ֔ם שׂוֹכֹ֖ה וַֽעֲזֵקָֽה׃ לו וְשַֽׁעֲרַ֨יִם֙ וַֽעֲדִיתַ֔יִם וְהַגְּדֵרָ֖ה וּגְדֵֽרֹתָ֑יִם עָרִ֥ים אַרְבַּֽע־עֶשְׂרֵ֖ה וְחַצְרֵיהֶֽן׃ לז צְנָ֥ן וַֽחֲדָשָׁ֖ה וּמִגְדַּל־גָּֽד׃ לח וְדִלְעָ֥ן וְהַמִּצְפֶּ֖ה וְיָקְתְאֵֽל׃ לט לָכִ֥ישׁ וּבָצְקַ֖ת וְעֶגְלֽוֹן׃ מ וְכַבּ֥וֹן וְלַחְמָ֖ס וְכִתְלִֽישׁ׃ מא וּגְדֵר֕וֹת בֵּית־דָּג֥וֹן וְנַֽעֲמָ֖ה וּמַקֵּדָ֑ה עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃ מב לִבְנָ֥ה וָעֶ֖תֶר וְעָשָֽׁן׃ מג וְיִפְתָּ֥ח וְאַשְׁנָ֖ה וּנְצִֽיב׃ מד וּקְעִילָ֥ה וְאַכְזִ֖יב וּמָֽרֵאשָׁ֑ה עָרִ֥ים תֵּ֖שַׁע וְחַצְרֵיהֶֽן׃ מה עֶקְר֥וֹן וּבְנֹתֶ֖יהָ וַֽחֲצֵרֶֽיהָ׃ מו מֵֽעֶקְר֖וֹן וָיָ֑מָּה כֹּ֛ל אֲשֶׁר־עַל־יַ֥ד אַשְׁדּ֖וֹד וְחַצְרֵיהֶֽן׃ מז אַשְׁדּ֞וֹד בְּנוֹתֶ֣יהָ וַֽחֲצֵרֶ֗יהָ עַזָּ֛ה בְּנוֹתֶ֥יהָ וַֽחֲצֵרֶ֖יהָ עַד־נַ֣חַל מִצְרָ֑יִם וְהַיָּ֥ם הַגָּד֖וֹל וּגְבֽוּל׃ מח וּבָהָ֑ר שָׁמִ֥יר וְיַתִּ֖יר וְשׂוֹכֹֽה׃ מט וְדַנָּ֥ה וְקִרְיַת־סַנָּ֖ה הִ֥יא דְבִֽר׃ נ וַֽעֲנָ֥ב וְאֶשְׁתְּמֹ֖ה וְעָנִֽים׃ נא וְגֹ֥שֶׁן וְחֹלֹ֖ן וְגִלֹ֑ה עָרִ֥ים אַֽחַת־עֶשְׂרֵ֖ה וְחַצְרֵיהֶֽן׃ נב אֲרַ֥ב וְרוּמָ֖ה וְאֶשְׁעָֽן׃ נג וְיָנ֥וּם וּבֵית־תַּפּ֖וּחַ וַֽאֲפֵֽקָה׃ נד וְחֻמְטָ֗ה וְקִרְיַ֥ת אַרְבַּ֛ע הִ֥יא חֶבְר֖וֹן וְצִיעֹ֑ר עָרִ֥ים תֵּ֖שַׁע וְחַצְרֵיהֶֽן׃ נה מָע֥וֹן ׀ כַּרְמֶ֖ל וָזִ֥יף וְיוּטָּֽה׃ נו וְיִזְרְעֶ֥אל וְיָקְדְעָ֖ם וְזָנֽוֹחַ׃ נז הַקַּ֖יִן גִּבְעָ֣ה וְתִמְנָ֑ה עָרִ֥ים עֶ֖שֶׂר וְחַצְרֵיהֶֽן׃ נח חַלְח֥וּל בֵּֽית־צ֖וּר וּגְדֽוֹר׃ נט וּמַֽעֲרָ֥ת וּבֵית־עֲנ֖וֹת וְאֶלְתְּקֹ֑ן עָרִ֥ים שֵׁ֖שׁ וְחַצְרֵיהֶֽן׃ ס קִרְיַת־בַּ֗עַל הִ֛יא קִרְיַ֥ת יְעָרִ֖ים וְהָֽרַבָּ֑ה עָרִ֥ים שְׁתַּ֖יִם וְחַצְרֵיהֶֽן׃ סא בַּמִּדְבָּ֑ר בֵּ֚ית הָֽעֲרָבָ֔ה מִדִּ֖ין וּסְכָכָֽה׃ סב וְהַנִּבְשָׁ֥ן וְעִיר־הַמֶּ֖לַח וְעֵ֣ין גֶּ֑דִי עָרִ֥ים שֵׁ֖שׁ וְחַצְרֵיהֶֽן׃ סג וְאֶת־הַיְבוּסִי֙ יֽוֹשְׁבֵ֣י יְרֽוּשָׁלִַ֔ם לֹֽא־יָכְל֥וּ בְנֵֽי־יְהוּדָ֖ה לְהֽוֹרִישָׁ֑ם וַיֵּ֨שֶׁב הַיְבוּסִ֜י אֶת־בְּנֵ֤י יְהוּדָה֙ בִּיר֣וּשָׁלִַ֔ם עַ֖ד הַיּ֥וֹם הַזֶּֽה׃

– – – – –

(יג) וּלְכָלֵב בֶּן יְפֻנֶּה נָתַן יהושע חֵלֶק בְּתוֹךְ בְּנֵי יְהוּדָה, אֶל פִּי ה' לִיהוֹשֻׁעַ – כפי שציוה ה' את יהושע, אֶת קִרְיַת אַרְבַּע אֲבִי הָעֲנָק, הִיא חֶבְרוֹן׃

(יד) וַיֹּרֶשׁ מִשָּׁם כָּלֵב אֶת שְׁלוֹשָׁה בְּנֵי הָעֲנָק, אֶת שֵׁשַׁי וְאֶת אֲחִימַן וְאֶת תַּלְמַי, יְלִידֵי הָעֲנָק׃

(טו) וַיַּעַל מִשָּׁם כלב אֶל יֹשְׁבֵי דְּבִר, וְשֵׁם דְּבִר לְפָנִים קִרְיַת סֵפֶר׃

(טז) וַיֹּאמֶר כָּלֵב, האיש אֲשֶׁר יַכֶּה אֶת קִרְיַת סֵפֶר, וּלְכָדָהּ, וְנָתַתִּי לוֹ אֶת עַכְסָה בִתִּי לְאִשָּׁה׃

(יז) וַיִּלְכְּדָהּ עָתְנִיאֵל בֶּן קְנַז, אֲחִי כָלֵב מאמו, וַיִּתֶּן לוֹ כלב אֶת עַכְסָה בִתּוֹ לְאִשָּׁה׃

(יח) וַיְהִי בְּבוֹאָהּ, וַתְּסִיתֵהוּ לִשְׁאוֹל מֵאֵת אָבִיהָ שָׂדֶה – בקשה עכסה מעתניאל רשות לבקש מאביה שדה, וַתִּצְנַח – הפילה עצמה מֵעַל הַחֲמוֹר לרגלי אביה, וַיֹּאמֶר לָהּ כָּלֵב, מַה לָּךְ – מה חסר לך.

(יט) וַתֹּאמֶר לו, תְּנָה לִּי בְרָכָה – תן לי מקום שאוכל להתפרנס ממנו, כִּי אֶרֶץ הַנֶּגֶב נְתַתָּנִי – נתת לי מקום מנוגב ויבש ממים, וְנָתַתָּה לִי גֻּלֹּת – מעיינות מָיִם. וַיִּתֶּן לָהּ כלב אֵת גֻּלֹּת עִלִּיּוֹת וְאֵת גֻּלֹּת תַּחְתִּיּוֹת׃

(כ) זֹאת נַחֲלַת מַטֵּה בְנֵי יְהוּדָה לְמִשְׁפְּחֹתָם׃

(כא) וַיִּהְיוּ הֶעָרִים מִקְצֵה (-העומדים על הגבול) לְמַטֵּה בְנֵי יְהוּדָה אֶל גְּבוּל אֱדוֹם, בַּנֶּגְבָּה, קַבְצְאֵל וְעֵדֶר וְיָגוּר׃

(כב) וְקִינָה וְדִימוֹנָה וְעַדְעָדָה, 'קינה' היא העיר העיקרית, ודימונה ועדעדה הן מגרשי הערים, ולכן שלשת אלו נמנים כעיר אחת.

(כג) וְקֶדֶשׁ, וְחָצוֹר, וְיִתְנָן׃

(כד) זִיף, וָטֶלֶם, וּבְעָלוֹת׃

(כה) וְחָצוֹר חֲדַתָּה – חצור החדשה, וּקְרִיּוֹת חֶצְרוֹן, הִיא חָצוֹר, כל אלו הם עיר אחת, ששמה חצור, ובכללה היו חצור החדשה וקריות חצרון.

(כו) אֲמָם, וּשְׁמַע, וּמוֹלָדָה׃

(כז) וַחֲצַר גַּדָּה, וְחֶשְׁמוֹן, וּבֵית פָּלֶט׃

(כח) וַחֲצַר שׁוּעָל, וּבְאֵר שֶׁבַע, וּבִזְיוֹתְיָה׃

(כט) בַּעֲלָה, וְעִיִּים, וָעָצֶם:

(ל) וְאֶלְתּוֹלַד, וּכְסִיל, וְחָרְמָה׃

(לא) וְצִקְלַג וּמַדְמַנָּה וְסַנְסַנָּה, 'צקלג' היתה העיר הראשית, ומדמנה וסנסנה היו מגרשיה סביב, ולכן הן מנויות כעיר אחת.

(לב) וּלְבָאוֹת וְשִׁלְחִים, ושתיהן היו עיר אחת, וְעַיִן, וְרִמּוֹן, כָּל העָרִים שנמנו כאן, עֶשְׂרִים וָתֵשַׁע, וְחַצְרֵיהֶן׃

(לג) בַּשְּׁפֵלָה היו ערי שבט יהודה, אֶשְׁתָּאוֹל, וְצָרְעָה, וְאַשְׁנָה׃

(לד) וְזָנוֹחַ, וְעֵין גַּנִּים, תַּפּוּחַ וְהָעֵינָם (והם עיר אחת)׃

(לה) יַרְמוּת, וַעֲדֻלָּם, שׂוֹכֹה, וַעֲזֵקָה׃

(לו) וְשַׁעֲרַיִם, וַעֲדִיתַיִם, וְהַגְּדֵרָה, וּגְדֵרֹתָיִם, כל אלו עָרִים אַרְבַּע עֶשְׂרֵה וְחַצְרֵיהֶן׃

(לז) צְנָן, וַחֲדָשָׁה, וּמִגְדַּל גָּד׃

(לח) וְדִלְעָן, וְהַמִּצְפֶּה, וְיָקְתְאֵל׃

(לט) לָכִישׁ, וּבָצְקַת, וְעֶגְלוֹן:

(מ) וְכַבּוֹן, וְלַחְמָס, וְכִתְלִישׁ׃

(מא) וּגְדֵרוֹת, בֵּית דָּגוֹן, וְנַעֲמָה, וּמַקֵּדָה, עָרִים שֵׁשׁ עֶשְׂרֵה וְחַצְרֵיהֶן׃

(מב) לִבְנָה, וָעֶתֶר, וְעָשָׁן׃

(מג) וְיִפְתָּח, וְאַשְׁנָה, וּנְצִיב׃

(מד) וּקְעִילָה, וְאַכְזִיב, וּמָרֵאשָׁה, עָרִים תֵּשַׁע וְחַצְרֵיהֶן׃

(מה) עֶקְרוֹן וּבְנֹתֶיהָ (-הכפרים הסמוכים אליה) וַחֲצֵרֶיהָ׃

(מו) מֵעֶקְרוֹן וָיָמָּה – לצד מערב, היו ליהודה כֹּל אֲשֶׁר עַל יַד אַשְׁדּוֹד וְחַצְרֵיהֶן׃

(מז) אַשְׁדּוֹד, בְּנוֹתֶיהָ וַחֲצֵרֶיהָ. עַזָּה, בְּנוֹתֶיהָ וַחֲצֵרֶיהָ, עַד נַחַל מִצְרָיִם וְהַיָּם הַגָּדוֹל, וּגְבוּל – גם גבול הים, והיינו האיים שבתוך הים, הם חלק מנחלת יהודה.

(מח) וּבָהָר, שָׁמִיר, וְיַתִּיר, וְשׂוֹכֹה׃

(מט) וְדַנָּה, וְקִרְיַת סַנָּה, הִיא דְבִר׃

(נ) וַעֲנָב, וְאֶשְׁתְּמֹה, וְעָנִים׃

(נא) וְגֹשֶׁן, וְחֹלֹן, וְגִלֹה, עָרִים אַחַת עֶשְׂרֵה וְחַצְרֵיהֶן׃

(נב) אֲרַב, וְרוּמָה, וְאֶשְׁעָן׃

(נג) וְיָנוּם, וּבֵית תַּפּוּחַ, וַאֲפֵקָה׃

(נד) וְחֻמְטָה, וְקִרְיַת אַרְבַּע הִיא חֶבְרוֹן, וְצִיעֹר, עָרִים תֵּשַׁע וְחַצְרֵיהֶן׃

(נה) מָעוֹן, כַּרְמֶל, וָזִיף, וְיוּטָּה׃

(נו) וְיִזְרְעֶאל, וְיָקְדְעָם, וְזָנוֹחַ׃

(נז) הַקַּיִן, גִּבְעָה, וְתִמְנָה, עָרִים עֶשֶׂר וְחַצְרֵיהֶן׃

(נח) חַלְחוּל, בֵּית צוּר, וּגְדוֹר׃

(נט) וּמַעֲרָת, וּבֵית עֲנוֹת, וְאֶלְתְּקֹן, עָרִים שֵׁשׁ וְחַצְרֵיהֶן׃

(ס) קִרְיַת בַּעַל, הִיא קִרְיַת יְעָרִים, וְהָרַבָּה, עָרִים שְׁתַּיִם וְחַצְרֵיהֶן׃

(סא) בַּמִּדְבָּר היו ערי יהודה, בֵּית הָעֲרָבָה, מִדִּין, וּסְכָכָה׃

(סב) וְהַנִּבְשָׁן, וְעִיר הַמֶּלַח, וְעֵין גֶּדִי, עָרִים שֵׁשׁ וְחַצְרֵיהֶן׃

(סג) וְאֶת הַיְבוּסִי יוֹשְׁבֵי יְרוּשָׁלַם לֹא יָכְלוּ בְנֵי יְהוּדָה לְהוֹרִישָׁם באותו זמן, וַיֵּשֶׁב הַיְבוּסִי אֶת בְּנֵי יְהוּדָה בִּירוּשָׁלַם, עַד הַיּוֹם הַזֶּה׃