שיעור 43, ספר נחמיה, פרק יא, א-ו
א וַיֵּֽשְׁב֥וּ שָׂרֵֽי־הָעָ֖ם בִּירֽוּשָׁלִָ֑ם וּשְׁאָ֣ר הָ֠עָם הִפִּ֨ילוּ גֽוֹרָל֜וֹת לְהָבִ֣יא ׀ אֶחָ֣ד מִן־הָֽעֲשָׂרָ֗ה לָשֶׁ֨בֶת֙ בִּירֽוּשָׁלִַ֨ם֙ עִ֣יר הַקֹּ֔דֶשׁ וְתֵ֥שַׁע הַיָּד֖וֹת בֶּֽעָרִֽים׃ ב וַֽיְבָרְכ֖וּ הָעָ֑ם לְכֹל֙ הָֽאֲנָשִׁ֔ים הַמִּֽתְנַדְּבִ֔ים לָשֶׁ֖בֶת בִּירֽוּשָׁלִָֽם׃ ג וְאֵ֨לֶּה֙ רָאשֵׁ֣י הַמְּדִינָ֔ה אֲשֶׁ֥ר יָֽשְׁב֖וּ בִּירֽוּשָׁלִָ֑ם וּבְעָרֵ֣י יְהוּדָ֗ה יָֽשְׁב֞וּ אִ֤ישׁ בַּֽאֲחֻזָּתוֹ֙ בְּעָ֣רֵיהֶ֔ם יִשְׂרָאֵ֤ל הַכֹּֽהֲנִים֙ וְהַלְוִיִּ֣ם וְהַנְּתִינִ֔ים וּבְנֵ֖י עַבְדֵ֥י שְׁלֹמֹֽה׃ ד וּבִֽירוּשָׁלִַ֨ם֙ יָֽשְׁב֔וּ מִבְּנֵ֥י יְהוּדָ֖ה וּמִבְּנֵ֣י בִנְיָמִ֑ן מִבְּנֵ֣י יְ֠הוּדָה עֲתָיָ֨ה בֶן־עֻזִּיָּ֜ה בֶּן־זְכַרְיָ֧ה בֶן־אֲמַרְיָ֛ה בֶּן־שְׁפַטְיָ֥ה בֶן־מַֽהֲלַלְאֵ֖ל מִבְּנֵי־פָֽרֶץ׃ ה וּמַֽעֲשֵׂיָ֣ה בֶן־בָּר֣וּךְ בֶּן־כָּל־חֹ֠זֶה בֶּן־חֲזָיָ֨ה בֶן־עֲדָיָ֧ה בֶן־יֽוֹיָרִ֛יב בֶּן־זְכַרְיָ֖ה בֶּן־הַשִּֽׁלֹנִֽי׃ ו כָּל־בְּנֵי־פֶ֕רֶץ הַיֹּֽשְׁבִ֖ים בִּירֽוּשָׁלִָ֑ם אַרְבַּ֥ע מֵא֛וֹת שִׁשִּׁ֥ים וּשְׁמֹנָ֖ה אַנְשֵׁי־חָֽיִל׃
֍ ֍ ֍
פרק יא (א) כדי ליישב את ירושלים כראוי, ולשומרה מאויבים, וַיֵּשְׁבוּ שָׂרֵי הָעָם בִּירוּשָׁלִָם, וּשְׁאָר הָעָם, שלא רצו לגור בירושלים, הִפִּילוּ גוֹרָלוֹת ביניהם, לְהָבִיא אֶחָד מִן הָעֲשָׂרָה לָשֶׁבֶת בִּירוּשָׁלִַם עִיר הַקֹּדֶשׁ, וְתֵשַׁע הַיָּדוֹת יישבו בֶּעָרִים.
(ב) ומלבד אותם שעלו בגורל לשבת בירושלים היו עוד רבים שהתנדבו מרצונם לשבת בירושלים, וַיְבָרְכוּ הָעָם לְכֹל הָאֲנָשִׁים הַמִּתְנַדְּבִים לָשֶׁבֶת בִּירוּשָׁלִָם.
(ג) וְאֵלֶּה המנויים להלן הם רָאשֵׁי הַמְּדִינָה אֲשֶׁר יָשְׁבוּ בִּירוּשָׁלִָם, וּבְעָרֵי יְהוּדָה יָשְׁבוּ שאר העם, אִישׁ בַּאֲחֻזָּתוֹ – במקום מגורי אבותיו קודם הגלות, בְּעָרֵיהֶם יִשְׂרָאֵל, הַכֹּהֲנִים, וְהַלְוִיִּם, וְהַנְּתִינִים, וּבְנֵי עַבְדֵי שְׁלֹמֹה.
(ד) וּבִירוּשָׁלִַם יָשְׁבוּ מִבְּנֵי יְהוּדָה וּמִבְּנֵי בִנְיָמִן. ומפרט את שמותיהם, מִבְּנֵי יְהוּדָה, עֲתָיָה בֶן עֻזִּיָּה, בֶּן זְכַרְיָה, בֶן אֲמַרְיָה, בֶּן שְׁפַטְיָה, בֶן מַהֲלַלְאֵל מִבְּנֵי פָרֶץ.
(ה) וּמַעֲשֵׂיָה בֶן בָּרוּךְ, בֶּן כָּל חֹזֶה, בֶּן חֲזָיָה, בֶן עֲדָיָה, בֶן יוֹיָרִיב, בֶּן זְכַרְיָה, בֶּן הַשִּׁלֹנִי.
(ו) כָּל בְּנֵי פֶרֶץ הַיֹּשְׁבִים בִּירוּשָׁלִָם, אַרְבַּע מֵאוֹת שִׁשִּׁים וּשְׁמֹנָה אַנְשֵׁי חָיִל.
