יום שבת
י"א כסלו התשפ"ז

חיפוש בארכיון

שיעור 119, ספר ירמיהו, פרק יז, יט-כז

יט כֹּֽה־אָמַ֨ר יְהוָ֜ה אֵלַ֗י הָלֹ֤ךְ וְעָֽמַדְתָּ֙ בְּשַׁ֣עַר בְּנֵֽי־הָעָ֔ם אֲשֶׁ֨ר יָבֹ֤אוּ בוֹ֙ מַלְכֵ֣י יְהוּדָ֔ה וַֽאֲשֶׁ֖ר יֵ֣צְאוּ ב֑וֹ וּבְכֹ֖ל שַֽׁעֲרֵ֥י יְרֽוּשָׁלִָֽם׃ כ וְאָֽמַרְתָּ֣ אֲ֠לֵיהֶם שִׁמְע֨וּ דְבַר־יְהוָ֜ה מַלְכֵ֤י יְהוּדָה֙ וְכָל־יְהוּדָ֔ה וְכֹ֖ל יֹֽשְׁבֵ֣י יְרֽוּשָׁלִָ֑ם הַבָּאִ֖ים בַּשְּׁעָרִ֥ים הָאֵֽלֶּה׃ כא כֹּ֚ה אָמַ֣ר יְהוָ֔ה הִשָּֽׁמְר֖וּ בְּנַפְשֽׁוֹתֵיכֶ֑ם וְאַל־תִּשְׂא֤וּ מַשָּׂא֙ בְּי֣וֹם הַשַּׁבָּ֔ת וַֽהֲבֵאתֶ֖ם בְּשַֽׁעֲרֵ֥י יְרֽוּשָׁלִָֽם׃ כבוְלֹֽא־תוֹצִ֨יאוּ מַשָּׂ֤א מִבָּֽתֵּיכֶם֙ בְּי֣וֹם הַשַּׁבָּ֔ת וְכָל־מְלָאכָ֖ה לֹ֣א תַֽעֲשׂ֑וּ וְקִדַּשְׁתֶּם֙ אֶת־י֣וֹם הַשַּׁבָּ֔ת כַּֽאֲשֶׁ֥ר צִוִּ֖יתִי אֶת־אֲבֽוֹתֵיכֶֽם׃ כג וְלֹ֣א שָֽׁמְע֔וּ וְלֹ֥א הִטּ֖וּ אֶת־אָזְנָ֑ם וַיַּקְשׁוּ֙ אֶת־עָרְפָּ֔ם לְבִלְתִּ֣י שְׁמ֔וֹעַ וּלְבִלְתִּ֖י קַ֥חַת מוּסָֽר׃ כד וְ֠הָיָה אִם־שָׁמֹ֨עַ תִּשְׁמְע֤וּן אֵלַי֙ נְאֻם־יְהוָ֔ה לְבִלְתִּ֣י ׀ הָבִ֣יא מַשָּׂ֗א בְּשַֽׁעֲרֵ֛י הָעִ֥יר הַזֹּ֖את בְּי֣וֹם הַשַּׁבָּ֑ת וּלְקַדֵּשׁ֙ אֶת־י֣וֹם הַשַּׁבָּ֔ת לְבִלְתִּ֥י עֲשֽׂוֹת־בֹּ֖ה כָּל־מְלָאכָֽה׃ כה וּבָ֣אוּ בְשַֽׁעֲרֵ֣י הָעִ֣יר הַזֹּ֡את מְלָכִ֣ים ׀ וְשָׂרִ֡ים יֹֽשְׁבִים֩ עַל־כִּסֵּ֨א דָוִ֜ד רֹֽכְבִ֣ים ׀ בָּרֶ֣כֶב וּבַסּוּסִ֗ים הֵ֚מָּה וְשָׂ֣רֵיהֶ֔ם אִ֥ישׁ יְהוּדָ֖ה וְיֹֽשְׁבֵ֣י יְרֽוּשָׁלִָ֑ם וְיָֽשְׁבָ֥ה הָֽעִיר־הַזֹּ֖את לְעוֹלָֽם׃ כו וּבָ֣אוּ מֵעָרֵֽי־יְ֠הוּדָה וּמִסְּבִיב֨וֹת יְרֽוּשָׁלִַ֜ם וּמֵאֶ֣רֶץ בִּנְיָמִ֗ן וּמִן־הַשְּׁפֵלָ֤ה וּמִן־הָהָר֙ וּמִן־הַנֶּ֔גֶב מְבִאִ֛ים עוֹלָ֥ה וְזֶ֖בַח וּמִנְחָ֣ה וּלְבוֹנָ֑ה וּמְבִאֵ֥י תוֹדָ֖ה בֵּ֥ית יְהוָֽה׃ כז וְאִם־לֹ֨א תִשְׁמְע֜וּ אֵלַ֗י לְקַדֵּשׁ֙ אֶת־י֣וֹם הַשַּׁבָּ֔ת וּלְבִלְתִּ֣י ׀ שְׂאֵ֣ת מַשָּׂ֗א וּבֹ֛א בְּשַֽׁעֲרֵ֥י יְרֽוּשָׁלִַ֖ם בְּי֣וֹם הַשַּׁבָּ֑ת וְהִצַּ֧תִּי אֵ֣שׁ בִּשְׁעָרֶ֗יהָ וְאָֽכְלָ֛ה אַרְמְנ֥וֹת יְרֽוּשָׁלִַ֖ם וְלֹ֥א תִכְבֶּֽה׃

 

֍           ֍            ֍

 

(יט) לאחר שהודיע ה' לירמיהו על הגזירה שנגזרה על ישראל, ישב על כסא רחמים ונתן לישראל אפשרות לבטל את הגזירה על ידי שמירת שבת, וכמו שאמרו שאם ישמרו ישראל שתי שבתות כהלכתם מיד נגאלים, כיון ששמירת השבת מעידה על האמונה בבריאת העולם וההשגחה, ומכחישה את עבודת האלילים. כֹּה אָמַר ה' אֵלַי, הָלֹךְ וְעָמַדְתָּ בְּשַׁעַר בְּנֵי הָעָם,אֲשֶׁר יָבֹאוּ בוֹ מַלְכֵי יְהוּדָה וַאֲשֶׁר יֵצְאוּ בוֹ, להתרות בגדולים תחילה, וכדי להתרות הם כמה פעמים בבואם ובצאתם, וּבְכֹל שַׁעֲרֵי יְרוּשָׁלִָם, להודיע כן לכל העם ולהתרות בהם.

(כ) וְאָמַרְתָּ אֲלֵיהֶם, שִׁמְעוּ דְבַר ה', מַלְכֵי יְהוּדָה, וְכָל יְהוּדָה, וְכֹל יֹשְׁבֵי יְרוּשָׁלִָם, הַבָּאִיםבַּשְּׁעָרִים הָאֵלֶּה.

(כא) כֹּה אָמַר ה', הִשָּׁמְרוּ בְּנַפְשׁוֹתֵיכֶם, כי יש בדבר זה עונש מיתה ועונש כרת, וְאַל תִּשְׂאוּמַשָּׂא בְּיוֹם הַשַּׁבָּת, וַהֲבֵאתֶם בְּשַׁעֲרֵי יְרוּשָׁלִָם, שהיו מביאים משאות מחוץ לירושלים, למוכרם בירושלים בשבת.

(כב) וְלֹא תוֹצִיאוּ מַשָּׂא מִבָּתֵּיכֶם בְּיוֹם הַשַּׁבָּת אפילו למקומות האסורים בטלטול מדרבנן, וְכָלמְלָאכָה לֹא תַעֲשׂוּ, ואפילו מלאכה דרבנן, וְקִדַּשְׁתֶּם אֶת יוֹם הַשַּׁבָּת בשביתה ובעונג, כַּאֲשֶׁרצִוִּיתִי אֶת אֲבוֹתֵיכֶם.

(כג) וְלֹא שָׁמְעוּ אבותיכם לקבל את הדברים, וְלֹא הִטּוּ אֶת אָזְנָם כלל לשמוע, וַיַּקְשׁוּ אֶתעָרְפָּם לְבִלְתִּי שְׁמוֹעַ מצד הבנת השכל, וּלְבִלְתִּי קַחַת מוּסָר מצד יראת העונש.

(כד) וְהָיָה אִם שָׁמֹעַ תִּשְׁמְעוּן אֵלַי, נְאֻם ה', לְבִלְתִּי הָבִיא מַשָּׂא בְּשַׁעֲרֵי הָעִיר הַזֹּאת בְּיוֹםהַשַּׁבָּת, וּלְקַדֵּשׁ אֶת יוֹם הַשַּׁבָּת לְבִלְתִּי עֲשׂוֹת בֹּה כָּל מְלָאכָה.

(כה) וּבָאוּ בְשַׁעֲרֵי הָעִיר הַזֹּאת מְלָכִים וְשָׂרִים יֹשְׁבִים עַל כִּסֵּא דָוִד, רֹכְבִים בָּרֶכֶב וּבַסּוּסִים,הֵמָּה וְשָׂרֵיהֶם אִישׁ יְהוּדָה וְיֹשְׁבֵי יְרוּשָׁלִָם, וְיָשְׁבָה הָעִיר הַזֹּאת לְעוֹלָם, כי על ידי זה לא תתבטל מלכות בית דוד, לא ישלטו בה זרים, ולא תחרב העיר.

(כו) ולא תושבת העבודה בבית המקדש, וּבָאוּ מֵעָרֵי יְהוּדָה וּמִסְּבִיבוֹת יְרוּשָׁלִַם, וּמֵאֶרֶץ בִּנְיָמִןוּמִן הַשְּׁפֵלָה, וּמִן הָהָר וּמִן הַנֶּגֶב, אנשים המְבִאִים עוֹלָה וְזֶבַח וּמִנְחָה וּלְבוֹנָה, וּמְבִאֵי קרבנותתוֹדָה לבֵּית ה'.

(כז) וְאִם לֹא תִשְׁמְעוּ אֵלַי, לְקַדֵּשׁ אֶת יוֹם הַשַּׁבָּת, וּלְבִלְתִּי שְׂאֵת מַשָּׂא וּבֹא בְּשַׁעֲרֵי יְרוּשָׁלִַםבְּיוֹם הַשַּׁבָּת, אז תתקיים הגזירה ויבוא העונש, וְהִצַּתִּי אֵשׁ בִּשְׁעָרֶיהָ, וְאָכְלָה אַרְמְנוֹתיְרוּשָׁלִַם, וְלֹא תִכְבֶּה.

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)

האם "זמני היום" באתר יועילו לך?