ו וַיָּבִ֣אוּ הַ֠כֹּֽהֲנִים אֶת־אֲר֨וֹן בְּרִית־ה֧' אֶל־מְקוֹמ֛וֹ אֶל־דְּבִ֥יר הַבַּ֖יִת אֶל־קֹ֣דֶשׁ הַקֳּדָשִׁ֑ים אֶל־תַּ֖חַת כַּנְפֵ֥י הַכְּרוּבִֽים׃ ז כִּ֤י הַכְּרוּבִים֙ פֹּֽרְשִׂ֣ים כְּנָפַ֔יִם אֶל־מְק֖וֹם הָֽאָר֑וֹן וַיָּסֹ֧כּוּ הַכְּרֻבִ֛ים עַל־הָֽאָר֥וֹן וְעַל־בַּדָּ֖יו מִלְמָֽעְלָה׃ ח וַֽיַּאֲרִכוּ֮ הַבַּדִּים֒ וַיֵּֽרָאוּ֩ רָאשֵׁ֨י הַבַּדִּ֤ים מִן־הַקֹּ֨דֶשׁ֙ עַל־פְּנֵ֣י הַדְּבִ֔יר וְלֹ֥א יֵֽרָא֖וּ הַח֑וּצָה וַיִּ֣הְיוּ שָׁ֔ם עַ֖ד הַיּ֥וֹם הַזֶּֽה׃ ט אֵ֚ין בָּֽאָר֔וֹן רַ֗ק שְׁנֵי֙ לֻח֣וֹת הָֽאֲבָנִ֔ים אֲשֶׁ֨ר הִנִּ֥חַ שָׁ֛ם מֹשֶׁ֖ה בְּחֹרֵ֑ב אֲשֶׁ֨ר כָּרַ֤ת ה֙' עִם־בְּנֵ֣י יִשְׂרָאֵ֔ל בְּצֵאתָ֖ם מֵאֶ֥רֶץ מִצְרָֽיִם׃
֍ ֍ ֍
(ו) וַיָּבִאוּ הַכֹּהֲנִים אֶת אֲרוֹן בְּרִית ה' אֶל מְקוֹמוֹ, אֶל דְּבִיר הַבַּיִת, והיינו הפתח שבין הקדש לבין קדש הקדשים, ומשם אֶל תוך קֹדֶשׁ הַקֳּדָשִׁים, ומשם אֶל תַּחַת כַּנְפֵי הַכְּרוּבִים.
(ז) כִּי קודם הכנסת הארון, היו הַכְּרוּבִים פֹּרְשִׂים כְּנָפַיִם אֶל מְקוֹם הָאָרוֹן, ולאחר שהכניסו את הארון, נעשה נס, וַיָּסֹכּוּ הַכְּרֻבִים מעצמם עם כנפיהם עַל הָאָרוֹן וְעַל בַּדָּיו מִלְמָעְלָה.
(ח) ועוד נעשה נס נוסף, וַיַּאֲרִכוּ הַבַּדִּים – התארכו מעצמם הבדים שבהם נושאים את הארון, וַיֵּרָאוּ רָאשֵׁי הַבַּדִּים מִן הַקֹּדֶשׁ עַל פְּנֵי הַדְּבִיר – הגיעו הבדים עד חלל הפתח שבין הקדש לבין קדש הקדשים, ומאחר והתארכו הבדים לא היה ניתן לסגור את הדלתות, ועשה שלמה פרוכת המבדילה בין הקדש לבין קדש הקדשים (רלב"ג), וְלֹא יֵרָאוּ הַחוּצָה, כיון שהפרוכת שהיתה שם מנעה את הראייה לתוך קדש הקדשים, וַיִּהְיוּ שָׁם עַד הַיּוֹם הַזֶּה, כלומר, עד אותה העת שנגנז הארון על ידי יאשיהו מלך יהודה.
(ט) אֵין בָּאָרוֹן, רַק שְׁנֵי לֻחוֹת הָאֲבָנִים אֲשֶׁר הִנִּחַ שָׁם מֹשֶׁה בְּחֹרֵב, אֲשֶׁר כָּרַת ה' עִם בְּנֵי יִשְׂרָאֵל בְּצֵאתָם מֵאֶרֶץ מִצְרָיִם.
