א וַֽיְהִי֙ כְּכַלּ֣וֹת שְׁלֹמֹ֔ה לִבְנ֥וֹת אֶת־בֵּית־ה֖' וְאֶת־בֵּ֣ית הַמֶּ֑לֶךְ וְאֵת֙ כָּל־חֵ֣שֶׁק שְׁלֹמֹ֔ה אֲשֶׁ֥ר חָפֵ֖ץ לַֽעֲשֽׂוֹת׃ ב וַיֵּרָ֧א ה֛' אֶל־שְׁלֹמֹ֖ה שֵׁנִ֑ית כַּֽאֲשֶׁ֛ר נִרְאָ֥ה אֵלָ֖יו בְּגִבְעֽוֹן׃ ג וַיֹּ֨אמֶר ה֜' אֵלָ֗יו שָׁ֠מַעְתִּי אֶת־תְּפִלָּֽתְךָ֣ וְאֶת־תְּחִנָּֽתְךָ֮ אֲשֶׁ֣ר הִתְחַנַּ֣נְתָּה לְפָנַי֒ הִקְדַּ֗שְׁתִּי אֶת־הַבַּ֤יִת הַזֶּה֙ אֲשֶׁ֣ר בָּנִ֔תָה לָֽשׂוּם־שְׁמִ֥י שָׁ֖ם עַד־עוֹלָ֑ם וְהָי֨וּ עֵינַ֧י וְלִבִּ֛י שָׁ֖ם כָּל־הַיָּמִֽים׃ ד וְאַתָּ֞ה אִם־תֵּלֵ֣ךְ לְפָנַ֗י כַּֽאֲשֶׁ֨ר הָלַ֜ךְ דָּוִ֤ד אָבִ֨יךָ֙ בְּתָם־לֵבָ֣ב וּבְיֹ֔שֶׁר לַֽעֲשׂ֕וֹת כְּכֹ֖ל אֲשֶׁ֣ר צִוִּיתִ֑יךָ חֻקַּ֥י וּמִשְׁפָּטַ֖י תִּשְׁמֹֽר׃ ה וַהֲקִ֨מֹתִ֜י אֶת־כִּסֵּ֧א מַֽמְלַכְתְּךָ֛ עַל־יִשְׂרָאֵ֖ל לְעֹלָ֑ם כַּֽאֲשֶׁ֣ר דִּבַּ֗רְתִּי עַל־דָּוִ֤ד אָבִ֨יךָ֙ לֵאמֹ֔ר לֹֽא־יִכָּרֵ֤ת לְךָ֙ אִ֔ישׁ מֵעַ֖ל כִּסֵּ֥א יִשְׂרָאֵֽל׃
֍ ֍ ֍
(א) וַיְהִי כְּכַלּוֹת שְׁלֹמֹה לִבְנוֹת אֶת בֵּית ה', וְאֶת בֵּית הַמֶּלֶךְ, וְאֵת כָּל חֵשֶׁק שְׁלֹמֹה אֲשֶׁר חָפֵץ לַעֲשׂוֹת – את כל הדברים שלא היו הכרחיים כמו בניית הבתים הללו, אלא שחשק וחפץ שלמה לבנותם כדי להגדיל את מעשיו.
(ב) וַיֵּרָא ה' אֶל שְׁלֹמֹה שֵׁנִית, באותה דרגת נבואה כַּאֲשֶׁר נִרְאָה אֵלָיו בְּגִבְעוֹן בתחילת מלכותו [אבל מלבד זאת היתה נבואה נוספת בתחילת בנין הבית, שהיתה בדרגה פחותה מנבואות אלו].
(ג) וַיֹּאמֶר ה' אֵלָיו, שָׁמַעְתִּי אֶת תְּפִלָּתְךָ וְאֶת תְּחִנָּתְךָ אֲשֶׁר הִתְחַנַּנְתָּה לְפָנַי, במה שביקשת שיהיה הבית הזה מקום לשכינת ה' בקביעות, ואכן הִקְדַּשְׁתִּי אֶת הַבַּיִת הַזֶּה אֲשֶׁר בָּנִתָה, לָשׂוּם שְׁמִי שָׁם עַד עוֹלָם, ואפילו לאחר שיחרב הבית יהיה המקום קרוי על שם ה', וְהָיוּ עֵינַי וְלִבִּי שָׁם להשגיח עליו בהשגחה פרטית ובהנהגה ניסית, ואמנם דבר זה יהיה רק כָּל הַיָּמִים שהוא בנוי, ולא לאחר חורבנו.
(ד) אמנם בבקשה השניה שביקש שלמה בתפילתו, על התמדת מלכות בית דוד, השיב לו ה' שהדבר תלוי בתנאי, וְאַתָּה, אִם תֵּלֵךְ לְפָנַי כַּאֲשֶׁר הָלַךְ דָּוִד אָבִיךָ, בְּתָם לֵבָב – שתעשה את מעשי המצוות בתמימות ובשלימות, ללא פניות חיצוניות, וּבְיֹשֶׁר – באמונות ודעות מיושרות, לַעֲשׂוֹת כְּכֹל אֲשֶׁר צִוִּיתִיךָ, במצוות עשה, ואת חֻקַּי וּמִשְׁפָּטַי תִּשְׁמֹר, להמנע מלעבור על מצוות לא תעשה.
(ה) אם אכן תקיים תנאי זה, וַהֲקִמֹתִי אֶת כִּסֵּא מַמְלַכְתְּךָ עַל יִשְׂרָאֵל לְעֹלָם, ותנאי זה הוא כַּאֲשֶׁר דִּבַּרְתִּי עַל דָּוִד אָבִיךָ לֵאמֹר, שאם יתקיים תנאי זה, שישמרו בניו את הברית עם ה', לֹא יִכָּרֵת לְךָ אִישׁ מֵעַל כִּסֵּא יִשְׂרָאֵל.
