שיעור 39, ספר דברי הימים א, פרק ז, ל-מ

ל בְּנֵ֣י אָשֵׁ֗ר יִמְנָ֧ה וְיִשְׁוָ֛ה וְיִשְׁוִ֥י וּבְרִיעָ֖ה וְשֶׂ֥רַח אֲחוֹתָֽם׃ לא וּבְנֵ֣י בְרִיעָ֔ה חֶ֖בֶר וּמַלְכִּיאֵ֑ל ה֖וּא אֲבִ֥י בִרְזָֽיִת׃ לב וְחֶ֨בֶר֙ הוֹלִ֣יד אֶת־יַפְלֵ֔ט וְאֶת־שׁוֹמֵ֖ר וְאֶת־חוֹתָ֑ם וְאֵ֖ת שׁוּעָ֥א אֲחוֹתָֽם׃ לג וּבְנֵ֣י יַפְלֵ֔ט פָּסַ֥ךְ וּבִמְהָ֖ל וְעַשְׁוָ֑ת אֵ֖לֶּה בְּנֵ֥י יַפְלֵֽט׃ לד וּבְנֵ֖י שָׁ֑מֶר אֲחִ֥י וְרָהְגָּ֖ה וְחֻבָּ֥ה וַֽאֲרָֽם׃ לה וּבֶן־הֵ֖לֶם אָחִ֑יו צוֹפַ֥ח וְיִמְנָ֖ע וְשֵׁ֥לֶשׁ וְעָמָֽל׃ לו בְּנֵ֖י צוֹפָ֑ח ס֧וּחַ וְחַרְנֶ֛פֶר וְשׁוּעָ֖ל וּבֵרִ֥י וְיִמְרָֽה׃ לז בֶּ֣צֶר וָה֗וֹד וְשַׁמָּ֧א וְשִׁלְשָׁ֛ה וְיִתְרָ֖ן וּבְאֵרָֽא׃ לח וּבְנֵ֖י יֶ֑תֶר יְפֻנֶּ֥ה וּפִסְפָּ֖ה וַאְרָֽא׃ לט וּבְנֵ֖י עֻלָּ֑א אָרַ֥ח וְחַנִּיאֵ֖ל וְרִצְיָֽא׃ מ כָּל־אֵ֣לֶּה בְנֵֽי־אָ֠שֵׁר רָאשֵׁ֨י בֵית־הָֽאָב֤וֹת בְּרוּרִים֙ גִּבּוֹרֵ֣י חֲיָלִ֔ים רָאשֵׁ֖י הַנְּשִׂיאִ֑ים וְהִתְיַחְשָׂ֤ם בַּצָּבָא֙ בַּמִּלְחָמָ֔ה מִסְפָּרָ֣ם אֲנָשִׁ֔ים עֶשְׂרִ֥ים וְשִׁשָּׁ֖ה אָֽלֶף׃

֍              ֍            ֍

(ל) בְּנֵי אָשֵׁר, יִמְנָה, וְיִשְׁוָה, וְיִשְׁוִי, וּבְרִיעָה, וְשֶׂרַח אֲחוֹתָם.

(לא) וּבְנֵי בְרִיעָה, חֶבֶר וּמַלְכִּיאֵל, ומלכיאל הוּא אֲבִי יושבי העיר בִרְזָיִת.

(לב) וְחֶבֶר הוֹלִיד אֶת יַפְלֵט, וְאֶת שׁוֹמֵר, וְאֶת חוֹתָם, וְאֵת שׁוּעָא אֲחוֹתָם.

(לג) וּבְנֵי יַפְלֵט, פָּסַךְ, וּבִמְהָל, וְעַשְׁוָת, אֵלֶּה בְּנֵי יַפְלֵט.

(לד) וּבְנֵי שָׁמֶר, אֲחִי, וְרָהְגָּה, וְחֻבָּה, וַאֲרָם.

(לה) וּבֶן הֵלֶם היה אָחִיו התאום של ארם, מבני שמר, ובניו היו צוֹפַח, וְיִמְנָע, וְשֵׁלֶשׁ, וְעָמָל.

(לו) בְּנֵי צוֹפָח, סוּחַ, וְחַרְנֶפֶר, וְשׁוּעָל, וּבֵרִי, וְיִמְרָה.

(לז) בֶּצֶר, וָהוֹד, וְשַׁמָּא, וְשִׁלְשָׁה, וְיִתְרָן, וּבְאֵרָא.

(לח) וּבְנֵי יֶתֶר [-הוא יתרן], יְפֻנֶּה, וּפִסְפָּה, וַאְרָא.

(לט) וּבְנֵי עֻלָּא, שהיה גם הוא מבני יתר [אך לא הוזכר בפני עצמו כיון שלא היה ראש בית אב בעצמו, והוזכרו בניו, שהיו ראשי אבות], אָרַח, וְחַנִּיאֵל, וְרִצְיָא.

(מ) כָּל אֵלֶּה בְנֵי אָשֵׁר, ואותם שהוזכרו כאן, מהם היו רָאשֵׁי בֵית הָאָבוֹת, ומהם בְּרוּרִים – נבחרים מפני מעלתם העצמית, ומהם גִּבּוֹרֵי חֲיָלִים, ומהם רָאשֵׁי הַנְּשִׂיאִים. וְהִתְיַחְשָׂם בַּצָּבָא בַּמִּלְחָמָה, מִסְפָּרָם אֲנָשִׁים עֶשְׂרִים וְשִׁשָּׁה אָלֶף.