שיעור 45, ספר נחמיה, פרק יא, טו-כא
טו וּמִֽן־הַלְוִיִּ֑ם שְׁמַעְיָ֧ה בֶן־חַשּׁ֛וּב בֶּן־עַזְרִיקָ֥ם בֶּן־חֲשַׁבְיָ֖ה בֶּן־בּוּנִּֽי׃ טז וְשַׁבְּתַ֨י וְיֽוֹזָבָ֜ד עַל־הַמְּלָאכָ֤ה הַחִֽיצֹנָה֙ לְבֵ֣ית הָֽאֱלֹהִ֔ים מֵֽרָאשֵׁ֖י הַלְוִיִּֽם׃ יז וּמַתַּנְיָ֣ה בֶן־מִ֠יכָא בֶּן־זַבְדִּ֨י בֶן־אָסָ֜ף רֹ֗אשׁ הַתְּחִלָּה֙ יְהוֹדֶ֣ה לַתְּפִלָּ֔ה וּבַקְבֻּקְיָ֖ה מִשְׁנֶ֣ה מֵֽאֶחָ֑יו וְעַבְדָּא֙ בֶּן־שַׁמּ֔וּעַ בֶּן־גָּלָ֖ל בֶּן־יְדוּתֽוּן׃ יח כָּל־הַלְוִיִּם֙ בְּעִ֣יר הַקֹּ֔דֶשׁ מָאתַ֖יִם שְׁמֹנִ֥ים וְאַרְבָּעָֽה׃ יט וְהַשּֽׁוֹעֲרִים֙ עַקּ֣וּב טַלְמ֔וֹן וַֽאֲחֵיהֶ֖ם הַשֹּֽׁמְרִ֣ים בַּשְּׁעָרִ֑ים מֵאָ֖ה שִׁבְעִ֥ים וּשְׁנָֽיִם׃ כ וּשְׁאָ֨ר יִשְׂרָאֵ֜ל הַכֹּֽהֲנִ֤ים הַלְוִיִּם֙ בְּכָל־עָרֵ֣י יְהוּדָ֔ה אִ֖ישׁ בְּנַֽחֲלָתֽוֹ׃ כא וְהַנְּתִינִ֖ים יֹֽשְׁבִ֣ים בָּעֹ֑פֶל וְצִיחָ֥א וְגִשְׁפָּ֖א עַל־הַנְּתִינִֽים׃
֍ ֍ ֍
(טו) וּמִן הַלְוִיִּם אשר ישבו בירושלים, שְׁמַעְיָה בֶן חַשּׁוּב, בֶּן עַזְרִיקָם, בֶּן חֲשַׁבְיָה, בֶּן בּוּנִּי.
(טז) וְשַׁבְּתַי וְיוֹזָבָד עַל הַמְּלָאכָה הַחִיצֹנָה לְבֵית הָאֱלֹהִים, כגון בדק הבית ועצי המערכה, מֵרָאשֵׁי הַלְוִיִּם – והם היו ראשי הלויים.
(יז) וּמַתַּנְיָה בֶן מִיכָא, בֶּן זַבְדִּי, בֶן אָסָף, רֹאשׁ הַתְּחִלָּה יְהוֹדֶה לַתְּפִלָּה – הוא היה הממונה להתחיל ראשון בהודאה ותפילה לה', וּבַקְבֻּקְיָה מִשְׁנֶה מֵאֶחָיו, וְעַבְדָּא בֶּן שַׁמּוּעַ, בֶּן גָּלָל, בֶּן יְדוּתוּן.
(יח) כָּל הַלְוִיִּם בְּעִיר הַקֹּדֶשׁ, מָאתַיִם שְׁמֹנִים וְאַרְבָּעָה.
(יט) וְהַשּׁוֹעֲרִים, הממונים על שערי המקדש, עַקּוּב וטַלְמוֹן וַאֲחֵיהֶם, הַשֹּׁמְרִים בַּשְּׁעָרִים, מֵאָה שִׁבְעִים וּשְׁנָיִם, באופן שמלבד ארבעת הממונים נשארו מאה ששים ושמונה לויים, והתחלקו לשבעת ימי השבוע, בכל יום היו עשרים וארבעה לויים במקדש.
(כ) וּשְׁאָר יִשְׂרָאֵל, הַכֹּהֲנִים הַלְוִיִּם, היו יושבים בְּכָל עָרֵי יְהוּדָה, אִישׁ בְּנַחֲלָתוֹ.
(כא) וְהַנְּתִינִים היו יֹשְׁבִים בָּעֹפֶל, והוא שם מגדל שהיה בירושלים, וְצִיחָא וְגִשְׁפָּא היו פקידים וממונים עַל הַנְּתִינִים.
