שיעור 52, ספר דברי הימים א, פרק יא, כב-מז
כב בְּנָיָ֨ה בֶן־יְהֽוֹיָדָ֧ע בֶּן־אִֽישׁ־חַ֛יִל רַב־פְּעָלִ֖ים מִֽן־קַבְצְאֵ֑ל ה֣וּא הִכָּ֗ה אֵ֣ת שְׁנֵ֤י אֲרִיאֵל֙ מוֹאָ֔ב וְ֠הוּא יָרַ֞ד וְהִכָּ֧ה אֶֽת־הָאֲרִ֛י בְּת֥וֹךְ הַבּ֖וֹר בְּי֥וֹם הַשָּֽׁלֶג׃ כג וְהֽוּא־הִכָּה֩ אֶת־הָאִ֨ישׁ הַמִּצְרִ֜י אִ֥ישׁ מִדָּ֣ה ׀ חָמֵ֣שׁ בָּֽאַמָּ֗ה וּבְיַ֨ד הַמִּצְרִ֤י חֲנִית֙ כִּמְנ֣וֹר אֹֽרְגִ֔ים וַיֵּ֥רֶד אֵלָ֖יו בַּשָּׁ֑בֶט וַיִּגְזֹ֤ל אֶֽת־הַחֲנִית֙ מִיַּ֣ד הַמִּצְרִ֔י וַיַּֽהַרְגֵ֖הוּ בַּֽחֲנִיתֽוֹ׃ כד אֵ֣לֶּה עָשָׂ֔ה בְּנָיָ֖הוּ בֶּן־יְהֽוֹיָדָ֑ע וְלוֹ־שֵׁ֖ם בִּשְׁלוֹשָׁ֥ה הַגִּבֹּרִֽים׃ כה מִן־הַשְּׁלוֹשִׁ֗ים הִנּ֤וֹ נִכְבָּד֙ ה֔וּא וְאֶל־הַשְּׁלֹשָׁ֖ה לֹא־בָ֑א וַיְשִׂימֵ֥הוּ דָוִ֖יד עַל־מִשְׁמַעְתּֽוֹ׃ כו וְגִבּוֹרֵ֖י הַֽחֲיָלִ֑ים עֲשָׂהאֵל֙ אֲחִ֣י יוֹאָ֔ב אֶלְחָנָ֥ן בֶּן־דּוֹד֖וֹ מִבֵּ֥ית לָֽחֶם׃ כז שַׁמּוֹת֙ הַֽהֲרוֹרִ֔י חֶ֖לֶץ הַפְּלוֹנִֽי׃ כח עִירָ֤א בֶן־עִקֵּשׁ֙ הַתְּקוֹעִ֔י אֲבִיעֶ֖זֶר הָֽעַנְּתוֹתִֽי׃ כט סִבְּכַי֙ הַחֻ֣שָׁתִ֔י עִילַ֖י הָֽאֲחוֹחִֽי׃ ל מַהְרַי֙ הַנְּטֹ֣פָתִ֔י חֵ֥לֶד בֶּֽן־בַּעֲנָ֖ה הַנְּטֽוֹפָתִֽי׃ לא אִיתַ֣י בֶּן־רִיבַ֗י מִגִּבְעַת֙ בְּנֵ֣י בִנְיָמִ֔ן בְּנָיָ֖ה הַפִּרְעָֽתֹנִֽי׃ לב חוּרַי֙ מִנַּ֣חֲלֵי גָ֔עַשׁ אֲבִיאֵ֖ל הָֽעַרְבָתִֽי׃ לג עַזְמָ֨וֶת֙ הַבַּ֣חֲרוּמִ֔י אֶלְיַחְבָּ֖א הַשַּֽׁעַלְבֹנִֽי׃ לד בְּנֵ֗י הָשֵׁם֙ הַגִּ֣זוֹנִ֔י יֽוֹנָתָ֥ן בֶּן־שָׁגֵ֖ה הַֽהֲרָרִֽי׃ לה אֲחִיאָ֧ם בֶּן־שָׂכָ֛ר הַֽהֲרָרִ֖י אֱלִיפַ֥ל בֶּן־אֽוּר׃ לו חֵ֚פֶר הַמְּכֵ֣רָתִ֔י אֲחִיָּ֖ה הַפְּלֹנִֽי׃ לז חֶצְרוֹ֙ הַֽכַּרְמְלִ֔י נַֽעֲרַ֖י בֶּן־אֶזְבָּֽי׃ לח יוֹאֵל֙ אֲחִ֣י נָתָ֔ן מִבְחָ֖ר בֶּן־הַגְרִֽי׃ לט צֶ֖לֶק הָֽעַמּוֹנִ֑י נַחְרַי֙ הַבֵּ֣רֹתִ֔י נֹשֵׂ֕א כְּלֵ֖י יוֹאָ֥ב בֶּן־צְרוּיָֽה׃ מ עִירָא֙ הַיִּתְרִ֔י גָּרֵ֖ב הַיִּתְרִֽי׃ מא אֽוּרִיָּה֙ הַֽחִתִּ֔י זָבָ֖ד בֶּן־אַחְלָֽי׃ מב עֲדִינָ֨א בֶן־שִׁיזָ֜א הָרֽאוּבֵנִ֗י רֹ֛אשׁ לָרֽאוּבֵנִ֖י וְעָלָ֥יו שְׁלֹשִֽׁים׃ מג חָנָן֙ בֶּֽן־מַעֲכָ֔ה וְיֽוֹשָׁפָ֖ט הַמִּתְנִֽי׃ מד עֻזִּיָּ֖א הָֽעַשְׁתְּרָתִ֑י שָׁמָע֙ וִֽיעִיאֵ֔ל בְּנֵ֖י חוֹתָ֥ם הָֽעֲרֹֽעֵרִֽי׃ מה יְדִֽיעֲאֵל֙ בֶּן־שִׁמְרִ֔י וְיֹחָ֥א אָחִ֖יו הַתִּיצִֽי׃ מו אֱלִיאֵל֙ הַֽמַּחֲוִ֔ים וִֽירִיבַ֥י וְיֽוֹשַׁוְיָ֖ה בְּנֵ֣י אֶלְנָ֑עַם וְיִתְמָ֖ה הַמּֽוֹאָבִֽי׃ מז אֱלִיאֵ֣ל וְעוֹבֵ֔ד וְיַֽעֲשִׂיאֵ֖ל הַמְּצֹֽבָיָֽה׃
֍ ֍ ֍
(כב) הגבור השני מבין שלשת הגיבורים השניים בחשיבותם הוא בְּנָיָה בֶן יְהוֹיָדָע, בֶּן אִישׁ חַיִל, רַב פְּעָלִים, מִן העיר קַבְצְאֵל שבנחלת יהודה, והוא הראה שלש פעמים גבורות נפלאות, הוּא הִכָּה אֵת שְׁנֵי אֲרִיאֵל [-גיבורי] מוֹאָב, וְהוּא יָרַד וְהִכָּה אֶת הָאֲרִי, והיה זה בְּתוֹךְ הַבּוֹר של הארי עצמו, בְּיוֹם הַשָּׁלֶג, שאז הארי מתגבר יותר.
(כג) וְהוּא הִכָּה אֶת הָאִישׁ הַמִּצְרִי שהיה אִישׁ מִדָּה גבוה חָמֵשׁ בָּאַמָּה, וּבְיַד הַמִּצְרִי היתה חֲנִית גדולה כִּמְנוֹר אֹרְגִים, וַיֵּרֶד אֵלָיו בניה בן יהוידע בַּשָּׁבֶט – במקל בלבד, וַיִּגְזֹל אֶת הַחֲנִית מִיַּד הַמִּצְרִי, וַיַּהַרְגֵהוּ בַּחֲנִיתוֹ.
(כד) אֵלֶּה הגבורות עָשָׂה בְּנָיָהוּ בֶּן יְהוֹיָדָע, וְלוֹ שֵׁם בִּשְׁלוֹשָׁה הַגִּבֹּרִים השניים המוזכרים כאן.
(כה) מִן כל הַשְּׁלוֹשִׁים גיבורים הִנּוֹ נִכְבָּד הוּא, יותר מכולם בחשיבותו, כיון שהיה ראש הסנהדרין, וְאֶל הַשְּׁלֹשָׁה הראשונים לֹא בָא בגבורה, וַיְשִׂימֵהוּ דָוִיד פקיד וממונה עַל אנשי מִשְׁמַעְתּוֹ.
(כו) עתה מבאר מי הוא הגיבור השלישי מבין שלשת השניים, ומונה אותו יחד עם שאר שלשים הגיבורים, כיון שבשונה מהחמשה הראשונים לא היה הוא תמיד עם דוד, ולכן שייך הוא יותר למנין השלשים, וְגִבּוֹרֵי הַחֲיָלִים, עֲשָׂהאֵל אֲחִי יוֹאָב, והוא היה הגיבור השלישי מבין השלשה השניים, וממשיך ומונה את שאר הגיבורים [ומונה יותר משלשים, וכפי שהתבאר שמביא כאן גם את שמותיהם של אותם שלא היו תמיד עם דוד], אֶלְחָנָן בֶּן דּוֹדוֹ מִבֵּית לָחֶם.
(כז) שַׁמּוֹת הַהֲרוֹרִי, חֶלֶץ הַפְּלוֹנִי.
(כח) עִירָא בֶן עִקֵּשׁ הַתְּקוֹעִי, אֲבִיעֶזֶר הָעַנְּתוֹתִי.
(כט) סִבְּכַי הַחֻשָׁתִי, עִילַי הָאֲחוֹחִי.
(ל) מַהְרַי הַנְּטֹפָתִי, חֵלֶד בֶּן בַּעֲנָה הַנְּטוֹפָתִי.
(לא) אִיתַי בֶּן רִיבַי מִגִּבְעַת בְּנֵי בִנְיָמִן, בְּנָיָה הַפִּרְעָתֹנִי.
(לב) חוּרַי מִנַּחֲלֵי גָעַשׁ, אֲבִיאֵל הָעַרְבָתִי.
(לג) עַזְמָוֶת הַבַּחֲרוּמִי, אֶלְיַחְבָּא הַשַּׁעַלְבֹנִי.
(לד) בְּנֵי הָשֵׁם הַגִּזוֹנִי, יוֹנָתָן בֶּן שָׁגֵה הַהֲרָרִי.
(לה) אֲחִיאָם בֶּן שָׂכָר הַהֲרָרִי, אֱלִיפַל בֶּן אוּר.
(לו) חֵפֶר הַמְּכֵרָתִי, אֲחִיָּה הַפְּלֹנִי.
(לז) חֶצְרוֹ הַכַּרְמְלִי, נַעֲרַי בֶּן אֶזְבָּי.
(לח) יוֹאֵל אֲחִי נָתָן, מִבְחָר בֶּן הַגְרִי.
(לט) צֶלֶק הָעַמּוֹנִי, נַחְרַי הַבֵּרֹתִי, שהיה נֹשֵׂא כְּלֵי יוֹאָב בֶּן צְרוּיָה, שר הצבא.
(מ) עִירָא הַיִּתְרִי, גָּרֵב הַיִּתְרִי.
(מא) אוּרִיָּה הַחִתִּי, זָבָד בֶּן אַחְלָי.
(מב) עֲדִינָא בֶן שִׁיזָא הָראוּבֵנִי, רֹאשׁ לָראוּבֵנִי, וְעָלָיו [-סמוכים ונמשכים אחריו] שְׁלֹשִׁים.
(מג) חָנָן בֶּן מַעֲכָה, וְיוֹשָׁפָט הַמִּתְנִי.
(מד) עֻזִּיָּא הָעַשְׁתְּרָתִי, שָׁמָע וִיעִיאֵל, בְּנֵי חוֹתָם הָעֲרֹעֵרִי.
(מה) יְדִיעֲאֵל בֶּן שִׁמְרִי, וְיֹחָא אָחִיו הַתִּיצִי.
(מו) אֱלִיאֵל הַמַּחֲוִים, וִירִיבַי וְיוֹשַׁוְיָה בְּנֵי אֶלְנָעַם, וְיִתְמָה הַמּוֹאָבִי.
(מז) אֱלִיאֵל וְעוֹבֵד וְיַעֲשִׂיאֵל הַמְּצֹבָיָה.
