ו אִם־שׁ֨וֹב תְּשֻׁב֜וּן אַתֶּ֤ם וּבְנֵיכֶם֙ מֵֽאַחֲרַ֔י וְלֹ֤א תִשְׁמְרוּ֙ מִצְוֹתַ֣י חֻקֹּתַ֔י אֲשֶׁ֥ר נָתַ֖תִּי לִפְנֵיכֶ֑ם וַֽהֲלַכְתֶּ֗ם וַֽעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּֽחֲוִיתֶ֖ם לָהֶֽם׃ ז וְהִכְרַתִּ֣י אֶת־יִשְׂרָאֵ֗ל מֵעַ֨ל פְּנֵ֤י הָֽאֲדָמָה֙ אֲשֶׁ֣ר נָתַ֣תִּי לָהֶ֔ם וְאֶת־הַבַּ֨יִת֙ אֲשֶׁ֣ר הִקְדַּ֣שְׁתִּי לִשְׁמִ֔י אֲשַׁלַּ֖ח מֵעַ֣ל פָּנָ֑י וְהָיָ֧ה יִשְׂרָאֵ֛ל לְמָשָׁ֥ל וְלִשְׁנִינָ֖ה בְּכָל־הָֽעַמִּֽים׃ ח וְהַבַּ֤יִת הַזֶּה֙ יִֽהְיֶ֣ה עֶלְי֔וֹן כָּל־עֹבֵ֥ר עָלָ֖יו יִשֹּׁ֣ם וְשָׁרָ֑ק וְאָֽמְר֗וּ עַל־מֶ֨ה עָשָׂ֤ה ה֙' כָּ֔כָה לָאָ֥רֶץ הַזֹּ֖את וְלַבַּ֥יִת הַזֶּֽה׃ ט וְאָֽמְר֗וּ עַל֩ אֲשֶׁ֨ר עָֽזְב֜וּ אֶת־ה֣' אֱלֹֽהֵיהֶ֗ם אֲשֶׁ֨ר הוֹצִ֣יא אֶת־אֲבֹתָם֮ מֵאֶ֣רֶץ מִצְרַיִם֒ וַֽיַּחֲזִ֨קוּ֙ בֵּֽאלֹהִ֣ים אֲחֵרִ֔ים וַיִּשְׁתַּֽחֲו֥וּ לָהֶ֖ם וַיַּֽעַבְדֻ֑ם עַל־כֵּ֗ן הֵבִ֤יא ה֙' עֲלֵיהֶ֔ם אֵ֥ת כָּל־הָֽרָעָ֖ה הַזֹּֽאת׃
֍ ֍ ֍
(ו) אבל אִם שׁוֹב תְּשֻׁבוּן אַתֶּם וּבְנֵיכֶם מֵאַחֲרַי, וְלֹא תִשְׁמְרוּ מִצְוֹתַי חֻקֹּתַי אֲשֶׁר נָתַתִּי לִפְנֵיכֶם, וַהֲלַכְתֶּם וַעֲבַדְתֶּם אֱלֹהִים אֲחֵרִים וְהִשְׁתַּחֲוִיתֶם לָהֶם, ואחרי המלך ילכו גם כל ישראל במעשים רעים.
(ז) וְהִכְרַתִּי אֶת יִשְׂרָאֵל מֵעַל פְּנֵי הָאֲדָמָה אֲשֶׁר נָתַתִּי לָהֶם, וממילא תתבטל גם המלכות, וְאֶת הַבַּיִת אֲשֶׁר הִקְדַּשְׁתִּי לִשְׁמִי אֲשַׁלַּח מֵעַל פָּנָי, שלא תהיה השגחתי עליו, וְהָיָה יִשְׂרָאֵל לְמָשָׁל וְלִשְׁנִינָה בְּכָל הָעַמִּים.
(ח) ומבאר את הטעם שיהיה הבית בחורבנו למשל ולשנינה, וְהַבַּיִת הַזֶּה יִהְיֶה עֶלְיוֹן, באופן שכל האומות יחזיקו אותו למקום קדוש ועליון בחשיבותו, ולכן כאשר יחרב הבית, כָּל עֹבֵר עָלָיו יִשֹּׁם – ישתומם וְשָׁרָק, כדרך המשתוממים על חורבן פתאומי וגדול, וְאָמְרוּ, עַל מֶה עָשָׂה ה' כָּכָה לָאָרֶץ הַזֹּאת וְלַבַּיִת הַזֶּה, כי מאחר וידעו שהשגחת ה' חפפה על הבית הזה תמיד, יבינו שלא היה חורבנו בדרך מקרה, אלא בהשגחת ה' ורצונו.
(ט) וְאָמְרוּ, עַל אֲשֶׁר עָזְבוּ אֶת ה' אֱלֹהֵיהֶם, אֲשֶׁר הוֹצִיא אֶת אֲבֹתָם מֵאֶרֶץ מִצְרַיִם כדי שיהיו תחת מלכותו ולא תחת שלטון הכוכבים והמזלות, וַיַּחֲזִקוּ בֵּאלֹהִים אֲחֵרִים וַיִּשְׁתַּחֲווּ לָהֶם וַיַּעַבְדֻם, ובכך חטאו יותר משאר העמים העובדים עבודה זרה, שלא בחר בהם ה' להיות תחת מלכותו, עַל כֵּן הֵבִיא ה' עֲלֵיהֶם אֵת כָּל הָרָעָה הַזֹּאת.
