שיעור 8, ספר נחמיה, פרק ג, יא-יד
יא מִדָּ֣ה שֵׁנִ֗ית הֶֽחֱזִיק֙ מַלְכִּיָּ֣ה בֶן־חָרִ֔ם וְחַשּׁ֖וּב בֶּן־פַּחַ֣ת מוֹאָ֑ב וְאֵ֖ת מִגְדַּ֥ל הַתַּנּוּרִֽים׃ יב וְעַל־יָד֣וֹ הֶֽחֱזִ֗יק שַׁלּוּם֙ בֶּן־הַלּוֹחֵ֔שׁ שַׂ֕ר חֲצִ֖י פֶּ֣לֶךְ יְרֽוּשָׁלִָ֑ם ה֖וּא וּבְנוֹתָֽיו׃ יג אֵת֩ שַׁ֨עַר הַגַּ֜יְא הֶֽחֱזִ֣יק חָנוּן֮ וְיֹֽשְׁבֵ֣י זָנוֹחַ֒ הֵ֣מָּה בָנ֔וּהוּ וַֽיַּעֲמִ֨ידוּ֙ דַּלְתֹתָ֔יו מַנְעֻלָ֖יו וּבְרִיחָ֑יו וְאֶ֤לֶף אַמָּה֙ בַּֽחוֹמָ֔ה עַ֖ד שַׁ֥עַר הָֽשְׁפֽוֹת׃ יד וְאֵ֣ת ׀ שַׁ֣עַר הָֽאַשְׁפּ֗וֹת הֶֽחֱזִיק֙ מַלְכִּיָּ֣ה בֶן־רֵכָ֔ב שַׂ֖ר פֶּ֣לֶךְ בֵּית־הַכָּ֑רֶם ה֣וּא יִבְנֶ֔נּוּ וְיַֽעֲמִיד֙ דַּלְתֹתָ֔יו מַנְעֻלָ֖יו וּבְרִיחָֽיו׃
֍ ֍ ֍
(יא) כיון שלא היו בצד צפון מגדלים ושערים, חילקו את החומה לשני חלקים, והחלק הראשון נבנה על ידי אותם שנמנו בפסוקים הקודמים, ומִדָּה שֵׁנִית – החלק השני של החומה, הֶחֱזִיק – חיזק ובנה מַלְכִּיָּה בֶן חָרִם, וְחַשּׁוּב בֶּן פַּחַת מוֹאָב, וְאֵת מִגְדַּל הַתַּנּוּרִים שהיה בפינה הצפונית מערבית.
(יב) מכאן והלאה יובאו שמותם של העוסקים בבניית הצד המערבי של החומה, מצפון לדרום, וְעַל יָדוֹ הֶחֱזִיק שַׁלּוּם בֶּן הַלּוֹחֵשׁ, שַׂר חֲצִי פֶּלֶךְ יְרוּשָׁלִָם, הוּא וּבְנוֹתָיו.
(יג) אֵת שַׁעַר הַגַּיְא שבצד מערב הֶחֱזִיק חָנוּן וְיֹשְׁבֵי זָנוֹחַ, הֵמָּה בָנוּהוּ מחדש, כי לא היה די בחיזוקו, אלא היה צורך לבנותו מתחילתו, וַיַּעֲמִידוּ דַּלְתֹתָיו, מַנְעֻלָיו וּבְרִיחָיו, וְאֶלֶף אַמָּה משם והלאה החזיקו בַּחוֹמָה, עַד שַׁעַר הָשְׁפוֹת.
(יד) וְאֵת שַׁעַר הָאַשְׁפּוֹת שבמערב הֶחֱזִיק מַלְכִּיָּה בֶן רֵכָב, שַׂר פֶּלֶךְ בֵּית הַכָּרֶם, הוּא יִבְנֶנּוּ, וְיַעֲמִיד דַּלְתֹתָיו, מַנְעֻלָיו וּבְרִיחָיו.
